ШИНЖЛЭХ УХААН, ТЕХНОЛОГИЙН ИХ СУРГУУЛЬ

Шинжлэх ухааны 2013 оны шилдэг бүтээлийн тусгай шагнал хүртэв

ШУТИС-ийн Хүнсний инженер, биотехнологийн сургуулийн багш, доктор (Sc.D), профессор Л.Дамдинсүрэн, Технологийн дээд сургуулийн дэд захирал, доктор (Ph.D), дэд профессор Ч.Нарангэрэл, эрдэм шинжилгээний ахлах ажилтан, судлаач, магистр (M.Sc) нар “Бичил биетний байгалийн симбиоз бүхий монгол таргийн эх хөрөнгө” бүтээлээр Шинжлэх ухааны 2013 оны шилдэг бүтээлийн тусгай шагнал хүртэв. “Бичил биетний байгалийн симбиоз бүхий монгол таргийн эх хөрөнгө” бүтээлийн шинжлэх ухааны шинэлэг тал нь нэгдүгээрт, уламжлалт таргийн хөрөнгийн Str.thermophilus, L.bulgaricus-ийн байгалийн симбиозыг ашигласанд, хоёрдугаарт, Str.thermophilus-ийг өсөлт, үржлийн эрчимтэй үе (экспоненциаль)-ийн дунд шатанд, харин L.bulgaricus эрчимтэй өсөлт, үржлийн эхэнд байхаар микробиологи, технологи параметрүүдийг оновчилж, сүү бүрэх хугацаа, эсийн тоо, харьцаа, хөрөнгийн исгэлэн, мэдрэхүйн үзүүлэлт, пробиотик, антибиотик идэвхи зэрэг шалгууруудаар хянах боломж буй болгосонд оршино.