ШИНЖЛЭХ УХААН, ТЕХНОЛОГИЙН ИХ СУРГУУЛЬ

МАШИНЫ ЭД АНГИЙН УЛСЫН V ОЛИМПИАД БОЛЛОО

2013 оны 11-р сарын 30-нд ШУТИС-ийн Математикийн Сургуулийн “Машины эд анги, зохион бүтээлт”-ийн профессорын багаас их дээд сургуулиудын профессор, багш нартай хамтран “Машины эд ангийн улсын V олимпиад”-ыг зохион явууллаа.

Олимпиадын нээлтийн ажиллагаанд МС-ийн сургуулийн захирал доктор, профессор Д.Буянтогтох; Ардын багш академич Ч.Авдай; Техникийн механикийн салбарын эрхлэгч доктор,профессор Г.Чимэд-Очир нар болон оролцогч сургуулиудын профессор, багш нар оролцлоо.

Машины эд ангийн V олимпиадад

ШУТИС. Математикийн Сургууль
ШУТИС. Дарханы Технологийн Сургууль
ШУТИС.Үйлдвэрлэл Технологи Дизайны Сургууль
ШУТИС. Уул Уурхайн Инженерийн Сургууль
ШУТИС. Хүнс Инженер БиоТехнологийн Сургууль
ШУТИС. Механик Инженерийн Сургууль
Тээврийн дээд сургууль
ХААИС

зэрэг их дээд сургуулиудын 8 баг оролцож оюутнууд мэдлэг чадвар авъяасаа сорилоо.

Олимпиадын дүнг гаргахад

Багийн амжилтаар:

I байранд ШУТИС.МИС-ийн баг
II байранд ШУТИС.УУИС-ийн баг
III байранд ХААИС-ийн баг

Хувийн амжилтаар:

I байранд ХААИС-ийн оюутан М.Хонгорзаяа
II байранд ШУТИС.УУИС-ийн оюутан М.Дагвасүрэн
III байранд ШУТИС.МИС-ийн оюутан М.Айдынбек

нар, тэргүүн байранд орсон багийг МС-ийн ахлах багш П.Өлзийсайхан удирдаж тус тус шалгарав.

Хувийн амжилтаар I, II, III, тусгай байранд шалгарсан оюутнууд алт, мөнгө, хүрэл медаль, диплом, мөнгөн шагналаар, тэргүүн байр эзэлсэн баг шилжин явах цом, алтан медаль, диплом, мөнгөн шагналаар, II, III байр эзэлсэн багууд мөнгө, хүрэл медаль диплом мөнгөн шагналаар шагнагдав.

Олимпиадад оролцсон сургуулиудын багш, профессорууд олимпиадын хаалтын ажиллагаанд хүрэлцэн ирж, шагналт байранд шалгарсан баг, оюутнуудад шагнал гардуулж баяр хүргэв.