ШИНЖЛЭХ УХААН, ТЕХНОЛОГИЙН ИХ СУРГУУЛЬ

Хавсарга хэлшинжлэл: Техник технологийн нэртомьёо боловсруулах асуудлууд

"Хавсарга хэлшинжлэл: Техник технологийн нэртомьёо боловсруулах асуудлууд" сэдэвт эрдэм шинжилгээний хурал

2008-11-10

ШУТИС- ийн " Эрдэм шинжилгээний ажлыг 2007- 2015 он хүртэл хөгжүүлэх хөтөлбөр "-ийг хэрэгжүүлэх ажлын хүрээнд Хэлний боловсролын сургуулийн Эрдмийн зөвлөлөөс "Хавсарга хэлшинжлэл: Техник технологийн нэртомьёо боловсруулах асуудлууд" сэдэвт эрдэм шинжилгээний хурал зохион байгуулна. Хурал ШУТИС-ийн Эрдмийн зөвлөлийн өрөөнд 2009 оны 01 сарын 22 -ны өдөр болно.

НЭГ. Эрдэм шинжилгээний хурлын зорилго нь байгалийн ухаан, инженер, техник, технологийн салбарт нэртомьёог боловсруулах, жигдлэх, нэртомьёоны цахим санг бүрдүүлэх , техникийн мэргэжлийн онол аргазүйг боловсронгуй болгох чиглэлээр профессор багш нар, эрдэмтэн судлаачдын санал бодол солилцуулах, зөвлөмж гаргахад оршино.

ХОЁР. Эрдэм шинжилгээний хурлын зохион байгуулалт.

Хурал үндсэн ба салбар хуралдаантай явагдана.

Үндсэн хуралдаан: Техник технологийн нэртомьёог боловсруулах асуудлууд

Салбар хуралдаан:

А Хэлшинжлэл ба техник технологийн нэртомьёоны судалгааны онол, аргазүй

Б Нэртомьёоны судалгаанд цахим техник технологийг нэвтрүүлэх нь

ГУРАВ. Хурлын илтгэлүүдийг ХБС-ийн "Хавсарга хэлшинжлэл" сэтгүүлд хэвлэх бөгөөд дор дурдсан зааврын дагуу бичиж 2009 оны 01 сарын 10-ны дотор ирүүлнэ үү

ЭШӨ, илтгэл нь хураангуй, түлхүүр үг, оршил, текст, хүснэгт, дүгнэлт, ишлэл татсан ном, зохиолын нэрс, зохиогчийн намтрыг оролцуулан (А4) хэмжээтэй 8 хүртэл хуудас байж болох бөгөөд эрдэм шинжилгээний өгүүлэл бичихэд тавигдах шаардлагыг хангасан байна.
Бүтээлийг дараахь форматаар бичнэ.

- Normal

- Үсгийн фонд Times New Roman

- Үсгийн хэмжээ 12

- Мөр хоорондын хэмжээ 1,5

Илтгэгч өөрийн овог нэр, сургуулийн нэр холбоо барих утас, и-мэйл хаягаа бичсэн байна.
Илтгэлийг цаасаар болон файлаар хүлээн авна.

Хаяг: ganchimegdamba@yahoo.com, oyunkhishig@must.edu.mn

өрөөний дугаар 1-322

Нэртомьёо, техникийн орчуулга чиглэлээр судалгаа шинжилгээний ажил хийдэг профессор, эрдэмтэн судлаач багш болон доктор, магистр оюутнуудыг энэхүү хуралд өргөнөөр оролцохыг урьж байна

ХБС -ийн Эрдмийн зөвлөл