ШИНЖЛЭХ УХААН, ТЕХНОЛОГИЙН ИХ СУРГУУЛЬ

Японы Олон улсын их сургуулийн профессор К. Касе ‘’Өрнө, дорны менежментийн ялгаа’’ сэдвээр лекц уншив

Японы Олон улсын их сургуулийн (ЯОУИС) Эрдмийн сургуулийн захирал, доктор (Ph.D), профессор К. Касе 2014 оны 2-р сарын 12-13 өдрүүдэд ‘’Management research: Asian and Western management difference’’ сэдвээр КТМС-ийн профессор, багш нар, магистр, доктор оюутнуудад лекц уншив.

Мөн түүнчлэн Японы ОУИС-иас ШУТИС, КТМС-тай хамтран хэрэгжүүлж буй Бизнесийн удирдлагын магистрын хөтөлбөрт элссэн оюутнуудтай уулзаж, зөвөлгөө өглөө. Энэ хөтөлбөрт одоогоор 10 магистр оюутан суралцаж байгаа бөгөөд эхний жилдээ КТМС-д зарим хичээлүүдээ судалж, дараагийн жилд Японы ОУИС-д очиж суралцан ШУТИС болон ЯОУИС-ийн магистрын дипломтай төгсөх юм.