ШУТИС-ийн Эрдмийн зөвлөлийн ээлжит хуралдаан 2014 оны 4 дүгээр сарын 7-ны өдөр боллоо. Тус хуралд ШУТИС-ийн бүтцийн өөрчлөлт, шинэчлэлтийн хөтөлбөрийг Ректор Б.Очирбат оруулж хэлэлцүүллээ. Удирдах зөвлөлийн шийдвэрээр байгуулагдсан ажлын хэсэг холбогдох судалгаа, хамт олны саналыг үндэслэн шинэ бүтцийн хувилбарыг боловсруулсан байна. Ажлын хэсэг мэргэжлийн хөтөлбөрүүдийг олон улсын жишигт ойртуулах зорилгоор тус сургуулийн мэргэжлийн хөтөлбөрүүдийг олон улсын стандарт ангилалд нийцүүлэн өөрчлөн шинэчлэх саналыг боловсруулж 137 мэргэжлийн хөтөлбөрийг 61 болгожээ. Энэхүү өөрчлөлттэй холбоотойгоор ШУТИС-ийг 8 бүрэлдэхүүн сургуультай болгон өөрчлөн зохион байгуулах саналыг Эрдмийн зөвлөл дэмжин Удирдах зөвлөлийн хуралд оруулж хэлэлцүүлэх тогтоол гаргалаа. Удирдах зөвлөл дээрх хөтөлбөрийг дэмжвэл ШУТИС шинэчилсэн бүтцээр ажиллах юм. Мөн мэргэжлийн чиглэл, хөтөлбөрийн индекс шинэчлэн батлагдсантай холбогдуулан сургалтын хөтөлбөрүүдийг шинэчлэн боловсруулах зорилгоор ШУТИС-ийн сургалтын хөтөлбөрийн хороо байгуулан ажиллуулахаар Эрдмийн зөвлөлөөс шийдвэрлэсэн байна.
Шилдэг эрдэмтэн багш, профессор, судлаач, ажилтнуудад шагнал гардуулах ёслолын ажиллагаа боллоо
БНАСАУ-ын Ким Чек Технологийн их сургуульд урилга гардуулав.
Япон улсын Үцүномияа их сургуулийн дэд профессор Футоши Ишигүри ШУТИС-ийн хүндэт профессор цол хүртлээ
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
