ШИНЖЛЭХ УХААН, ТЕХНОЛОГИЙН ИХ СУРГУУЛЬ

ХУВЦАСНЫ ДИЗАЙНЫ “ТОРГОН ЗАМ-2014” НААДМЫН ШИЛДЭГ БҮТЭЭЛҮҮД ТОДОРЛОО

Хувцасны дизайн, загвар зохион бүтээлт, оёмол, арьс ширэн бүтээгдэхүүн, нэхмэлийн технологийн мэргэжлээр суралцаж буй оюутнуудын шинэлэг санаа, идэвх зүтгэл, бүтээлч байдлыг хөгжүүлэх, бүтээлийг нь сурталчлах зорилгоор жил бүр уламжллал болгон зохион байгуулдаг “Торгон зам-2014” наадам ШУТИС-ийн Урлаг зааланд 2014 оны 5 сарын 9 нд болж өнгөрлөө. Тус наадамд 26 коллекц оролцсоноос

ГРАН ПРИ шагналаар Хувцасны дизайны 4 курсын оюутан Д.Адъяадулам, Б.Одмаа, Г.Даваахүү нарын “Street” коллекци

Ирээдүйн брэнд загвар-Шилдгийн шилдэг бүтээлээр Хувцасны дизайны 2 курсын“Thea” хамтлагийн “Musa” коллекци

Шилдэг цогц шийдэлтэй загвараар Загвар зохион бүтээлтийн багцын оюутнуудын “Aura”хамтлагийн “Madagascar” коллекци

Зохион бүтээлт, технологийн оновчтой боловсруулалттай загвараар Арьс ширэн эдлэлийн загвар зохион бүтээлтийн 3 курсын “Түүчэй”хамтлагийн “Зургаадай” коллекци

Уран сэтгэмжийн шилдэг загвараар Нэхмэл эдлэлийн дизайны 2 курсын “Байгаль эх” хамтлагийн “Holo’s” коллекци
Өдөр тутмын шилдэг загвараарОёмол бүтээгдэхүүний технологийн 3, 4 курсын оюутнуудын “Will we” хамтлагийн “River role” коллекци шалгарлаа.

Мөн наадмын үеэр ивээн тэтгэгчийн шагналыг гардуулсан бөгөөд

“Хувцас судлалын төв”- ийн нэрэмжит “Шилдэг зохион бүтээгч” шагналаар Хувцас дизайны 4 курсын оюутан Т.Болортуяа, А.Номун, Б.Марал-Эрдэнэ нарын “Samurai wind” коллекци, Загвар зохион бүтээлтийн багцын оюутнуудын “Dolly” хамтлагийн “Цэцгэн эрхи” коллекци

"Цэцгэн эрхи"

“Хувцас судлалын салбарын багш нарын нэрэмжит” шагналаар Оёмол бүтээгдэхүүний технологийн 4 курсын оюутнуудын “Step by step” хамтлагийн “Pearl gloss” коллекци
“Дэд захирлын нэрэмжит” шагналаар Оёмол бүтээгдэхүүний загвар зохион бүтээлтийн 4 курсын оюутнуудын “Содон” хамтлагийн “Pattern” коллекци тус тус шалгарч шагнагдсан юм.

ТүүнчлэнШУТИС-ийн оюутан залуусын дунд “ШУТИС-ийн 21-р зууны оюутан” хөтөлбөрийн хүрээнд зохион байгуулж буй “ШУТИС-ийн Загвар өмсөгч - Оюутан” сургалтанд нийт 12 бүрэлдэхүүн сургуулийн 48 оюутан хамрагдсан бөгөөд наадмын үеэр эдгээр суралцагчдаас “Шилдэг загвар өмсөгч - Оюутан” –аар

Эмэгтэй шилдэг загвар өмсөгчөөр Б.Энхборол - КТМС, Бизнесийн Удирдлага-2 курс
Эрэгтэй шилдэг загвар өмсөгчөөр М.Төгөлдөр – ҮТДС, Үйдпвэрлэлийн Дизайн-2 курсын оюутнууд шалгаруулав.

“Торгон зам-2014” наадамд оролцсон манай оюутнуудын бүтээлүүдээс 11 коллекц дизайн урлагийн чиглэлийн сургуулиудын дунд зохион байгуулагддаг “Хаврын гоёл-Дизайн сургалт 2014” уралдаант наадамд амжилттай оролцож “Өдөр тутмын шилдэг загвар” -аар оюутан Б.Шүрэнцэцэгийн “Raven” загвар шалгарлаа.

Хувцас дизайны наадамд идэвхитэй оролцсон эрхэм хүндэт оюутнууд Та бүхэнд сурлага, уран бүтээлийн улам их амжилт гаргахыг хүсэн ерөөе. Та бүхэндээ баярлалаа.