ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Залуу зохион бүтээгч 2014” улсын уралдаан дүнгээ гаргалаа

“Залуу зохион бүтээгч 2014” улсын уралдаан нь 4 дэх жилдээ амжилттай хэрэгжиж байгаа МҮОНТ, ШУТИС, МУИС-ийн хамтарсан томоохон төсөл юм. Энэ жил уралдаанд нийт 21 аймгийн 198 залуу зохион бүтээгчдийн баг 412 хүний хөдөлмөрийг хөнгөвчилсөн ашигтай загвар, шинэ санаа оновчтой шийдлээр өрсөлдөж уралдааны 2-р шатанд цаашид бүтээгдэхүүн болон хөгжих боломжтой 100 шинэ санааг тэнцүүлснээс 3-р шатанд 37 бүтээл, мөн 4-р шатанд 15 бүтээл өрсөлдөж дараах бүтээлүүд шалгарлаа.

Үүнд:

1-р байр
- Б.Бат-Эрдэний "Өвс ачигч" бүтээл /Говьсүмбэр аймаг, 17 нас/

2-р байр
- Р.Авирмэдийн “Өтөг малтагч” бүтээл /Булган аймаг, 16 нас/

3-р байр
- Д.Амартүвшиний "Ухаалаг гэр" бүтээл /Улаанбаатар хот, 23 нас/
- Б.Балдандамбын "Ямааны ноолуур самнах механик сам" бүтээл /Өвөрхангай аймаг, 20 нас/
- Б.Жамьянпүрэвийн "Тариа цайруулах машин" бүтээл /Говь-Алтай аймаг, 14 нас/

4-р шатанд өрсөлдсөн 15 бүтээлээс ШУТИС-ийн:

“Тахианы хооллох төхөөрөмж” Б.Баатар-Отгон /ШУТИС, МИС-ийн Үйлдвэрлэлийн механикжуулалтын 2-р дамжааны оюутан/.
“Олон үйлдэлт дүүжин машин -14” Г.Батболд /ШУТИС, МИС-ийн Үйлдвэрлэлийн механикжуулалтын 4-р дамжааны оюутан/.
“Ус хэмнэх нэмэлт тоноглол” Д.Мишээлт /ШУТИС, КТМС-ийн Санхүү менежментийн 3-р дамжааны оюутан/.
“Гэрлэн дохионы хүрээ тодруулагч” О.Өсөхбаяр /ШУТИ, Лицей сургуулийн 10-р ангийн сурагч, 15 настай/.

бүтээлүүд тус тус уралдааны явцад шалгарсан юм.

Залуу зохион бүтээгч Дэлгэрцогтын Мишээлтийн ахуйн хэрэглээний цэвэр усны холигч гоожуурт угсран ашиглах “Ус хэмнэх нэмэлт тоноглол” бүтээл нь байгальд ээлтэй, ус хэмнэх давуу талтай эко бүтээл болсон бөгөөд шүүгчдээс өндөр үнэлгээ авсныг үндэслэн “Ректорын нэрэмжит” шагнал хүртэв.