ШИНЖЛЭХ УХААН, ТЕХНОЛОГИЙН ИХ СУРГУУЛЬ

Мицубиши Корпораци 15 оюутанд тэтгэлэг гардуулав

ШУТИС-ийн 15 оюутан "MITSUBISHI CORPORATION INTERNATIONAL SCHOLAR SHIP" хөтөлбөрийн тэтгэлэгийг гардан авлаа. Тэтгэлэг гардуулах ёслол 2014 оны 11 дүгээр сарын 28-ны өдөр болж Мицүбиши Корпорацийн Монгол дахь төлөөлөгчийн газрын захирал ноёнЁшино Хидэнори, ШУТИС-ийн ректор Б.Очирбат нар тэтгэлэгийг нь гардуулан өглөө.

Энэ үеэр ШУТИС-ийн Гадаад харилцааны проректор П.Жаргалтуяа “Мицүбиши Корпорацийн энэ жилийн тэтгэлэгт ШУТИС-ийн 75 оюутан өрсөлдсөнөөс эдгээр 15 оюутан шалгараад байна. Энэ жил сонин хэвлэл, мэдээллийн хэрэгсэл, вэб хуудсаар дамжуулан тэтгэлгийн тухай мэдээллийг нийт оюутнуулал хүргэсэн учираас олон оюутан тус тэтгэлгийг авахын төлөө өрсөлдлөө. Шалгаруулалтийн хугацаанд тэтгэлэг авахаар өрсөлдсөн оюутнууд Мицүбиши Корпорацийн тухай бүрэн дүүрэн мэдээллийг олж авсан” гэв.

Мицүбиши Корпораци ШУТИС-д суралцаж буй бакалаврын 10, магистрын 3, докторын 2, нийт 15 оюутанд тэтгэлэг олгож байна.

Мицүбиши Корпораци 2000 оноос эхлэн хөгжиж буй орнуудын дээд боловсролыг дэмжих ажлын хүрээнд ирээдүйд тухайн орныхоо хөгжилд үнэтэй хувь нэмэр оруулах, сурлага сайтай оюутнуудад дэмжлэг үзүүлэх зорилгоор тэтгэлэг олгох хөтөлбөрийг хэрэгжүүлж эхэлжээ. Монголын залуучуудын боловсролд хувь нэмэр оруулах үүднээс энэхүү тэтгэлэгт хөтөлбөрийг 2011 оноос хойш ШУТИС-д хэрэгжүүлж эхэлсэн бөгөөд өнөөдөр 4 дэх жилтэйгээ золгож байна.

Мицубиши Корпораци нь Японд төвтэй, дэлхийн 90 орчим улсад 200 гаруй салбар нэгж, 600 гаруй охин, хараат компанийн хамтаар хоол хүнс, хувцас, зэрэг хүний амьдралд ойр салбараас сансрын тоног төхөөрөмж хүртэлх өргөн хүрээний салбарт өөрийн бизнесээ өргөжүүлжээ. Мөн гадаад худалдаагаар зогсохгүй дэлхийн өнцөг булан бүрт хөрөнгө оруулалт, үйлдвэрлэл, бүтээн байгуулалтын ажлыг эрхлэн явуулдаг байна. Монголд 2010 оны 4 дүгээр сард төлөөлөгчийн газраа нээж одоо Улаанбаатарын Олон Улсын Шинэ Нисэх Буудлын төслийг хэрэгжүүлж байгаагаас гадна, Монголын санхүү, уул уурхайн салбарт хөрөнгө оруулж байна.

№	Эцэг/эхийн нэр	Нэр	Сургууль	Мэргэжил	Оюутны код
Доктор оюутан
1	Лхагваа	Тэлмэнбаяр	МеТС	Металлурги, машин үйлдвэрлэлийн технологи	G.MP13F003
2	Дашзэгвэ	Гантуяа	ҮТС	Хүнс, үйлдвэрлэлийн технологи	L.FT13F801
Магистр оюутан
3	Гантөмөр	Байгалмаа	МеТС	Тээврийн менежмент	G.TL13E011
4	Батхүү	Батбаяр	ГУУС	Инженер геологи	C.HG13E307
5	Мөнх-Эрдэнэ	Энхжин	ЭХС	Үйлдвэр, хотын дулаан хангамж	M.HD14E022
Бакалавр оюутан
6	Бат-Эрдэнэ	Намуун	МеТС	Олон улсын тээврийн менежмент	G.TL11D100
7	Гомбосүрэн	Мөнхтулга	БАС	Иргэний ба үйлдвэрлэлийн барилгын инженер	A.SC12D001
8	Энхтайван	Оюу-Эрдэнэ	ЭХС	Хөргөлтийн технологи ба кондинционерийн систем	M.HD11D203
9	Сайханбаяр	Оюунпүрэв	ХИ	Техникийн мэргэжлийн орчуулагч	B.ET13D022
10	Чимэд-Очир	Ариунболд	ГУУС	Уул уурхайн маркшейдер	H.GS11D239
11	Баатарчулуун	Ундармаа	МХТС	Программ хангамж	D.SW13D025
12	Болд	Цогбадрах	МХТС	Холбооны сүлжээ, холболтын технологи	J.TC11D041
13	Ганцэцэг	Гүржав	ГУУС	Уул уурхайн цахилгаан тоног төхөөрөмжийн ашиглалт	H.EL11D051
14	Жигмэдцэрэн	Мөнхгэрэл	БуХС	Санхүүгийн удирдлага	D.FM11D021
15	Эрдэнэбилэг	Түвшинхүү	ГУУС	Уул уурхайн ашиглалтын технологи	H.MI12D070