ШИНЖЛЭХ УХААН, ТЕХНОЛОГИЙН ИХ СУРГУУЛЬ

БНСУ-ын Даежеон хотноо 2014 оны Дэлхийн Технополисын Ассоциацын (ДТА) хурал амжилттай болж өнгөрлөө

Дэлхийн Технополисын Ассоциацын ээлжит иххуралБНСУ-ын Даежеон хотноо 2014 оны 11 дүгээр сарын 11-14-ний хооронд боллоо. Тус хуралд ШУТИС-ийн Ректор Б.Очирбат гишүүн их сургуулийн хувьд төлөөлөгчөөр оролцлоо. Энэ жил ДТА-ын IV Чуулга уулзалт болон “Даежоны Дэлхийн Инновацын Форум”, “Их сургуулиудын Ерөнхийлөгчийн форум”, “ДТА-ын XI Дэвшилтэт Технологийн Үзэсгэлэн”, “2014 оны ЮНЕСКО-ДТА хамтарсан Олон улсын сургалт, семинар”-тай холбогдуулж нэг дор зохион байгуулжээ. Дээрх бүх арга хэмжээ Даежеон хотноо зохион байгуулагдаж байгаагаараа онцлог бөгөөд дэлхийн өнцөг булан бүрээс орон нутгийн болон үндэсний засгийн газар, академи, аж ахуйн нэгжийн төлөөлөл болсон 800 гаруй төлөөлөгчид оролцож, үр ашигтай байдлаар туршлагаа солилцов.

ДТА нь технополисийн тогтвортой хөгжлийн талаарх мэдлэг туршлага хуваалцах, гишүүдийн хамтын ажиллагааг бэхжүүлэх зорилгоор 2 жил тутам зохион байгуулагддаг юм.

Мөн ДТА болон Чунгнамын Үндэсний их сургууль хамтран Их сургуулиудын Ерөнхийлөгчдийн VIII чуулга уулзалтыг “Их сургуулийн мэргэшил бол бүс нутгийн стратегийн аж үйлдвэрүүдийн хөгжил” гэсэн сэдвээр зохион байгууллаа. Их сургуулиудын Ерөнхийлөгчдийн чуулга уулзалтад ШУТИС-ийн Ректор Б.Очирбат “ШУТИС-2021: Монгол Улсын Шинжлэх ухаан, технологийн их сургуулийн хөгжлийн Стратегийн замын зураглал” сэдвээр илтгэл тавив. Мөн Даежоны дэлхийн Инновацийн форумаас ЮНЕСКО-той хамтран тунхаглал гаргасан бөгөөд түүнд ШУТИС-ийн Ректор Б.Очирбат гарын үсэг зурсан байна.

Их, дээд сургуулийн Ерөнхийлөгчдийн чуулга уулзалт нь технополисын хүрээнд үйл ажиллагаа явуулж байгаа их сургуулиудын хамтын ажиллагааны сүлжээг дэмжиж, технологийн мэдээлэл болон өндөр чадвартай мэргэжилтнүүдийн солилцоог эрчимжүүлэх замаар их, дээд сургуулиудыг технополисын хөгжилд чухал хувь нэмэр оруулах боломж олгодог юм. Дугуй ширээний уулзалтын үеэр оролцогчид дэлхийн хэмжээнд инновацын эко-системийг бий болох талаар харилцан хамтран ажиллахаа амлав.

ДТА-ны 11 дэхь удаагийн Дэвшилтэт Технологийн Үзэсгэлэг худалдааг “Бүс Гутгийн стратеги үйлдвэрлэл Бүтээлч эдийн засгийн үндэс болох нь” сэдвээр зохион байгуулагдлаа. Энэ үеэр 85 дэвшилтэт технологи бүхий аж ахуйн нэгж, жижиг дунд үйлдвэрүүдтйг технологийн үзэсгэлэн, технологийн сэдвээрх илтгэл, 1:1 бизнес уулзалт болон бусад арга хэмжээнүүдийг явуулсан бөгөөд энэ нь дэлхийн өнцөг булан бүрээс ирсэн бизнесийн төлөөлөгчдийн хувьд нэн үр ашигтай туршлага болсон юм. Энэ жилийн үзэсгэлэн худалдааны үеэр нийт 162 сая ам.долларын өртөгтэй экспортын 6 санамж бичиг үйлдэж 412 экспортын зөвлөгөөг өгсөн юм.

2014 оны ЮНЕСКО болон ДТА хамтарсан Олон улсын Сургалт семинар нь амжилттай зохион байгуулагдаж үүнд 20 хөгжиж буй улс орнуудын шинжлэх ухаан, технологийн бодлого боловсруулагчдаас бүрдсэн 205 төлөөлөгч идэвхтэй оролцов. “Их Сургууль ба Шинжлэх ухааны хот, Шинжлэх ухааны паркийн хөгжил” хэмээх сэдвийн дор зохион байгуулагчсан үндсэн лекц, 3 бүрэн хэмжээний хуралдаан болон улс орнуудын илтгэл хэлэлцүүлэх хуралдааны үеэр оролцогчид нь ШУ паркийн өмнө тулгарч буй асуудлуудын талаар мэдэх, хэлэлцэх, санал бодлоо солилцох боломж олдсон юм. ШУТИС-ийн БуХС-ийн багш Ж.Хишигсайхан “Монгол улс дахь ШУ парк байгуулах асуудал: өнгөрсөн-одоо-ирээдүй” хэмээх сэдэвт илтгэлийг хэлэлцүүлэв.