ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Японы байгууллагын менежментийн онцлог, ажлын байранд тавигдах шаардлага” сэдэвт лекц уншлаа

ГХХА-ны проректор П.Жаргалтуяагийн урилгаар “Санко Сэйки” группын ерөнхийлөгч ноён Шимизү Такаши Японы байгууллагын менежмент, сургууль төгсөж буй оюутнуудад ажилд ороход тавигдах шаардлага, шалгуур, монгол оюутнуудын чадвар болон анхаарах зүйлсийн талаар 2014 оны 12 дугаар сарын 12-ны өдөр ШУТИС-ийн профессор, багш нарт “Японы байгууллагын менежментийн онцлог, ажлын байранд тавигдах шаардлага” сэдэвт сонирхолтой лекц уншлаа.

Тус лекц, хэлэлцүүлэгт ГХХА-ны проректор П.Жаргалтуяа, ХШУ-ны сургуулийн захирал Д.Буянтогтох, ШУТТНС-ийн захирал Ч.Гулнар болон бүрэлдэхүүн сургуулийн 50 гаруй профессор багш, ажилчид болон оюутнууд оролцлоо. Лекцийн дараа оролцогчид өөрсдийн сонирхсон асуултанд хариулт авч санал бодлоо солилцов.