ШУТИС-ийн Эрчим хүчний сургууль, БНХАУ-ын Шанхайн ШУТИС-ийн Эмнэлгийн тоног төхөөрөмжийн сургуулиудын хамтарсан 2+2 хөтөлбөрийн “Эмнэлгийн тоног төхөөрөмжийн инженер” мэргэжлийн 5 оюутан ШУТИС-ийн ЭХС-д хоёрдугаар курсээ дүүргэн Шанхайн ШУТИС-д үргэлжлүүлэн суралцахаар 2015 оны 09 сарын 15-ны өдөр БНХАУ-ыг зорьсон юм. Тэднийг ЭХС-ийн захирал Ч.Мангалжалав , дэд захирал Өлзий-орших, Цахилгаан техникийн салбарын эрхлэгч Ч.Нацагдорж, ахлах багш Д.Пүрэвдаш, А.Амаржаргал нар сурлага хөдөлмөрийн өндөр амжилт хүсэн дурсгалын зүйл гардуулан үдэж өгөв.
Оюутнуудыг Шанхайн ШУТИС-д 3-р курст шилжүүлэн суралцуулах ажлыг хөтөлбөр хариуцсан багш дэд профессор Б.Энхжаргал Шанхайн ШУТИС-д томилолтоор ажиллан зохион байгуулж, Шанхайн ШУТИС-ийн Хүндэт профессорын хувьд оюутнуудад лекц уншсан байна.
Энэхүү хамтарсан хөтөлбөрөөр суралцаж төгсөх оюутнууд Шанхайн ШУТИС-д дипломоо хамгаалж ШУТИС ба Шанхайн ШУТИС-ийн хос диплом гардах юм.
Хөтөлбөрийг амжилттай хэрэгжүүлэхэд үнэтэй хувь нэмэр оруулж дэмжиж ажилласан ШУТИС, ЭХС, Шанхайн ШУТИС-ийн удирдлага, багшлах бүрэлдэхүүндээ талархал илэрхийлье.
ШУТИС-ийн гурван багш төрийн дээд цол хүртлээ
ШУТИС-ийн ректор Т.Намнан Унгарын Элчин сайдыг хүлээн авч уулзлаа
ШУТИС-д Туркийн хамтын ажиллагаа, зохицуулалтын агентлаг (TİKA)-аас "Жазари” лабораторийг байгуулж, дадлагын сургалтыг зохион байгууллаа
“Open Campus – 2025” нээлттэй өдөрлөг амжилттай боллоо
“ГАЗРЫН ТОСНЫ БОЛОВСРУУЛАЛТЫН ТЕХНОЛОГИ” бакалаврын 2+2 хамтарсан хөтөлбөрийн гэрээ байгууллаа.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
