ШУТИС Японы “Сүмитомо” корпорацитай хамтран ажиллах гэрээнд энэ сарын 11-ний өдөр гарын үсэг зурлаа. Гэрээнд “Сүмитомо” корпорацийн удирдлагууд гарын үсэг зурж Улаанбаатар дахь төлөөлөгчийн газрын ерөнхий менежер Ясүнори Аокигоор дамжуулан хүргүүлжээ. ШУТИС-ийн ректор Б.Дамдинсүрэн тус корпорацитай хамран ажиллах болсондоо баяртай байгаагаа илэрхийлээд, гэрээг үзэглэж баталгаажууллаа. Гэрээний дагуу “Сүмитомо” корпораци нь жил бүр механик инженерийн чиглэлээр сурч буй 15 оюутанд тэтгэлэг олгож байх аж. Мөн МИС-д бүрэн хэмжээний нэг хичээлийн кабинет тохижуулан өгч байгаа юм.
“Сүмитомо” корпорацийн Монгол дахь үйл ажиллагаа 1991 онд Монгол банкны алт цэвэршүүлэх төслөөр эхэлжээ. Тэд 1996 онд Ньюком болон Японы KDDI-тай хамтран үүрэн холбооны “Mobicom” компанийг үүсгэн байгуулж, мянга гаруй ажлын байрыг бий болгосон юм. Мөн 2004 онд нефтийн бүтээгдэхүүнийг орлох эрчим хүч болох ШНХ (LPG)-ийн импорт, борлуулалтын компанийг үүсгэн байгуулж Улаанбаатар хотын агаарын бохирдлыг багасгахад багагүй хувь нэмэр оруулжээ. 2009 оноос тус корпораци уул уурхайн тоног төхөөрөмжийн импорт борлуулалт, үйлчилгээний компанийг үүсгэн байгуулаад ажиллаж байна.
ЗХШҮГ
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
