2010 оны 10-р сарын 16-17-нд Япон улсын Кочи хотод Олон улсын програмчлалын NAPROCK PROCON 2010 тэмцээн болж өнгөрлөө. Уг тэмцээнд Монгол, Япон, Хятад, Вьетнам, Малайз, Филиппин зэрэг улсын 70 гаруй баг оролцсон байна.
Уг тэмцээн нь олон улсын статустай болсоор хоёр дахь удаагаа явагдаж байгаа ба чөлөөт сэдэв, урьдчилан зааж өгсөн сэдвээр програм хангамжийн бүтээл хийх болон хиймэл оюуны програмуудын аврага шалгаруулах гэсэн гурван төрлөөр явагддаг юм.
Манай ШУТИС-ийн КтМС-ээс Програмчлалын Технологийн профессорын багийн ахлах багш А.Хүдэр ахлагчтай Д.Чинзориг, Т.Марал-Эрдэнэ гэсэн оюутнуудаас бүрдсэн баг урьдчилан өгөгдсөн сэдвийн дагуу TravelJournal гэсэн системийг хийж оролцсон ба энэ төрөлдөө тусгай шагнал буюу гуравдугаар байрыг эзэллээ.
Уг систем нь Android үйлдлийн систем дээр ажиллах ба GPS ашиглан жуулчны аялаж буй газруудыг Google map дээр тэмдэглэн үлдээж, Facebook, Twitter-тэй холбогдон ажилладаг програм хангамж юм.
Дашрамд дурьдахад өмнөх PROCON 2005 тэмцээнд КТМС-ийн оюутнууд урилгаар оролцож албан бусаар түрүүлж, тусгай шагнал хүртэж байсан юм.
А. Хүдэр
2010-10-21
Киотогийн Их Сургуулийн проректор Фүюүки Ишикава болон бусад төлөөлөгчдийг Эрдэм шинжилгээ, инновац эрхэлсэн проректор Д.Цолмонбаатар хүлээн авч уулзлаа
“Ноолуур судлал-2026” эрдэм шинжилгээний хурлын хүрээнд Япон, Италийн эрдэмтэд ШУТИС-ийн удирдлагатай уулзлаа
Талархлын батламж гардууллаа
Шилдэг эрдэмтэн багш, профессор, судлаач, ажилтнуудад шагнал гардуулах ёслолын ажиллагаа боллоо
БНАСАУ-ын Ким Чек Технологийн их сургуульд урилга гардуулав.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
