“Мэргэн” шагайн харваан клуб, ОХҮА-аас зохион байгуулсан Оюутны улсын аварга шалгаруулах шагайн харваан анхдугаар тэмцээн амжилттай боллоо. Тус тэмцээний нээлтийн арга хэмжээнд МШХХ ерөнхийлөгч, МУҮлэмж дархан мэргэн Я.Батсуурь, МШХХ хүндэт ерөнхийлөгч, МУҮлэмж дархан мэргэн, спортын мастер СГЗ Д.Басхүү, МУҮлэмж дархан мэргэн, спортын мастер Б.Ширнэнбат нар оролцож баяр хүргэж, хамтын ажиллагаанд амжилт хүслээ. Улаанбаатар чуулгын морин хуурч, харваач н.Болдбаатар ая дууны мэндчилгээ дэвшүүллээ. Тэмцээнд ШУТИС-ийн 7 бүрэлдэхүүн сургууль, МУИС, МУҮИС, ХААИС, МУБИС, ИЗОУИС-ийн 9 багийн 80 гаруй оюутан харваачид оролцлоо. Эдгээр оюутнуудаас МУҮлэмж дархан мэргэн-1, МУДархан мэргэн-2, МУ мэргэн -2, МУДэд мэргэн-3, Аймгийн гоц мэргэн-20 ийм Улс аймгийн цолтой харваач оюутнууд байлаа.
Багийн харвааны төрөлд:
1-р байр МУДэд мэргэн Э.Самданжигмэд ахлагчтай ХААИС
2-р байр МУдэд мэргэн Д.Мөнх-Эрдэнэ ахлагчтай ИЗОУИС
3-р байр МУдархан мэргэн Б.Пүрэв ахлагчтай МУИС
Хувийн цуваа харвааны төрөлд
1-р байрт Д.Мөнхманлай (МҮИС-ийн оюутан)
2-р байр О.Буджав (ШУТИС-БАС-ийн оюутан)
3-р байр С.Пүрэвжаргал (ШУТИС-БАС-ийн оюутан) тус тус байр эзэлсэн.
Тус тэмцээн нь оюутан залуучуудын сонирхолд нийцсэн, оюутны хөгжилд хувь нэмрээ оруулахуйц үр дүнтэй боллоо. Тэнмцээнд оюутны оролцоо их байгаагаас үүдэнд бид цаашид ШУТИС-ийн оюутны аварга шалгаруулах спортын тэмцээний нэг төрөл болгохоор ажиллаж байна.
ОЮУТНЫ ХӨГЖИЛ, ҮЙЛЧИЛГЭЭНИЙ АЛБА
“МЭРГЭН” ШАГАЙН ХАРВААН КЛУБ
ШУТИС-ийн Геологи, уул уурхайн сургуулийг П.Очирбат агсны нэрэмжит болголоо
“Эрдмийн баяр” төгсөлтийн ёслолын ажиллагаа боллоо
ШУТИС-ийн Механик инженер, тээврийн сургуулийн Логистик менежмент, Механик, Мехатроник хөтөлбөрийн оюутнууд БНХАУ-ын Ляонинг мужийн Төмөр замын дээд сургуульд богино хугацааны дадлага хийлээ
Археологийн шинэ лаборатори нээлтээ хийлээ
ШУТИС, ХШУС-ийн “Статистик 2+2”, “Химийн инженерчлэл 2+2” хөтөлбөрийн оюутнууд БНХАУ-ын СиАн хотын Баруун Хойд Политехникийн Их сургууль дээр танилцах дадлага хийлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
