ШИНЖЛЭХ УХААН, ТЕХНОЛОГИЙН ИХ СУРГУУЛЬ

Үндэсний роботын аварга шалгаруулах ABU Robocon 2016 тэмцээнд Механик Тээврийн сургуулийн баг түрүүллээ

Ази-Номхон далай бүсийн орнуудын Роботын тэмцээн нь инженерийн чиглэлээр суралцаж байгаа оюутнуудын техникийн ур чадвар, бүтээлч сэтгэлгээ, шинийг санаачлах болон мэдлэгийг нь хөгжүүлэх зорилготойгоор жил бүр зохион байгуулагдсаар ирсэн билээ. Энэ удаагийн үндэсний роботын аварга шалгаруулах тэмцээн нь ЦЭВЭР ЭНЕРГИ ДЭЛХИЙГ ЦЭНЭГЛЭНЭ уриатайгаар 2016 оны 5 сарын 21 нд МҮОНТ-ийн 600 студид болж ХААИС, МУИС, ШУТИС, Тээврийн сургууль, МУБИС, Говь-Сүмбэрийн технологийн коллеж, Шинэ монгол технологийн сургуулийн нийт 17 нь баг өрсөлдөж ШУТИС-ийн Механик тээврийн сургуулийн “ТАНАН” баг Үндэсний аварга багаар тодорч 2016 оны 8 р сард Тайланд улсын Ванкок хотноо зохион байгуулагдах тэмцээнд өрсөлдөх эрхээ авлаа.

РОБОКОН 2016 Үндэсний аварга шалгаруулах тэмцээнд ШУТИС-ийн багууд амжилт бүтээлээр дүүрэн оролцлоо.

Тэмцээний ялагч багаар ШУТИС-Механик тээврийн сургуулийн баг
II байр ШУТИС- Мэдээлэл холбооны технологийн сургууль
III байр ШУТИС- Эрчим хүчний инженерийн сургууль
Шилдэг гар роботтой багаар ШУТИС-Механик тээврийн сургуулийн баг
Шиллэг шийдэлтэй багаар ШУТИС- Мэдээлэл холбооны технологийн сургуулийн багууд тус тус шалгарлаа.

Тэмцээний ялагч багаар тодорсон ТАНАН багтаа 2016 оны 8-р сард Тайланд улсын Ванкок хотноо зохион байгуулагдах тэмцээнд нь амжилт хүсье.