ШИНЖЛЭХ УХААН, ТЕХНОЛОГИЙН ИХ СУРГУУЛЬ

ОХУ-ын Үндэсний судалгааны их сургууль “МЭИ”-ийн ректор Русский центрт зочиллоо

Үндэсний судалгааны их сургууль “МЭИ”-ийн ректор Н.Д.Рогалев, Гадаад харилцааны проректор В.Н.Замолодчиков, Олон улсын хамтын ажиллагааны хэлтсийн дарга А.Е.Тарасов тэргүүтэй төлөөлөгчид ШУТИС-ийн Русский центрт зочилж, үйл ажиллагаатай нь танилцсан ба МЭИ-д суралцах хүсэлтэй бакалавр, магистр оюутнууд, мэргэжил дээшлүүлэх багш, аспирантуудын орос хэлний бэлтгэлийг хангах талаар ГХИ-ийн захирал Т.Батбаяртай санал солилцов.

Ректор Н.Д.Рогалев нь орос хэл, соёлыг түгээх үйлсэд, мөн сүүлийн 3 жилд “Время учиться в России” төслийг хэрэгжүүлэхэд хувь нэмрээ оруулсан ГХИ-ийн захирал Т.Батбаяр, ЕСТ-ийн эрхлэгч, Русский центрийн арга зүйч Г.Туяа, “Россотрудничество” байгууллагын төлөөлөгчийн газар, РЦНК-ийн багш Г.Цэвэг, ИрГУПС-ын бэлтгэл сургуулийн багш Разуваева В.К нарыг “Талархлын бичиг”-ээр шагнав.