ШУТИС-ийн Хүнсний Инженер, Биотехнологийн Сургуулийн Хүнс хоол үйлдвэрлэл үйлчилгээний менежмент профессорын багаас жил бүр зохион байгуулдаг Дэвжээ тэмцээн 2010 оны 12 сарын 3-нд “Урлаг” танхимд боллоо. Энэ тэмцээнийг гурав дахиа зохион байгуулж байгаа бөгөөд энэ удаад Монгол Улсын Хүнсний аж үйлдвэрийн 80 жил, Хүнсний аж үйлдвэрт инженер бэлтгэж эхэлсний 40 жилийн ойд зориулсан өвөрмөц хөтөлбөртэй байлаа. “Хүнс хоол үйлдвэрлэл үйлчилгээний менежмент” багийн профессор, техникийн шинжлэх ухааны Доктор Л.Дамдинсүрэн тэмцээнийг нээн, энэ удаагийн “Дэвжээ” нь хүнсний мэргэжлээр суралцагч оюутнуудад мэргэжлийн онцлог, агуулгыг гүнзгий таниулах, онолын мэдлэгийг батжуулан технологийн хөгжил, инновацийн чиг хандлагыг төсөөлөх, мэдлэг эзэмших, ашиглах идэвхийг дээшлүүлэх, хамт олныг төлөвшүүлэх зорилготойг онцлон тэмдэглэж, оролцогч багуудад амжилт хүслээ.
Тэмцээнд хүнсний үйлдвэрийн менежмент, технологи, чанар, эрүүл ахуй, биотехнологи, машин аппарат мэргэжлээр суралцагчдаас бүрдсэн 5 баг өрсөлдсөнөөс Хүнсний чанар, аюулгүй байдлын профессорын багийн “Стандарт” баг түрүүлж, цомын эзэн боллоо.
Мэдээлэл оруулсан: ХХҮҮМ баг
2010.12.06
Киотогийн Их Сургуулийн проректор Фүюүки Ишикава болон бусад төлөөлөгчдийг Эрдэм шинжилгээ, инновац эрхэлсэн проректор Д.Цолмонбаатар хүлээн авч уулзлаа
“Ноолуур судлал-2026” эрдэм шинжилгээний хурлын хүрээнд Япон, Италийн эрдэмтэд ШУТИС-ийн удирдлагатай уулзлаа
Талархлын батламж гардууллаа
Шилдэг эрдэмтэн багш, профессор, судлаач, ажилтнуудад шагнал гардуулах ёслолын ажиллагаа боллоо
БНАСАУ-ын Ким Чек Технологийн их сургуульд урилга гардуулав.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
