БАС төгсөгч оюутнууддаа зориулан зохион байгуулдаг “Ажлын байр танилцуулах-JOB FAIR 2017” ээлжит уулзалт арга хэмжээг Канадын Юнитерра олон улсын байгууллага, барилгын үндэсний ассоциацтай хамтран зохион байгууллаа.
Уулзалт арга хэмжээний зорилго нь БАС-д суралцаж буй ахлах курсийн бүх мэргэжлийн оюутнуудад томоохон барилгын компаниудад хэрхэн ажилд орох, ажлын байр танилцуулах, компаниуд өөрсдийн захиалгат боловсон хүчнийг сонгож аван сургалтын төлбөрийг даах, дадлага хийх боломж нөхцөлөөр хангаж ажлын байртай болгох үндсэн зорилготой.
Энэ удаагийн уулзалт арга хэмжээг Канадын Юнитерра олон улсын байгууллага, Барилгын Үндэсний Ассоциаци хамтран зохион байгуулж, Номин “NCD”групп, Ультрасоник ХХК, М-Си-Эс групп, Роял Нью Кэстл ХХК, Макс Өргөө ХХКомпаниудын хүний нөөцийн мэргэжилтнүүд оролцож, ажлын байр, хэрхэн ажилд орох талаар зөвлөгөө өгч оюутнуудын сонирхсон асуултад хариуллаа.
Уулзалт арга хэмжээний үеэр Юнитерра хөтөлбөрийн зөвлөх Yves Carmel “Ногоон барилга” сэдвээр, Юнитерра хөтөлбөрийн хүний нөөцийн зөвлөх Ossama Mazbouh “Ажилд сонгон авах болон тогтоон ажиллуулах” сэдвээр, NCD группийн Бизнес Хөгжлийн Захирал П.Алтантуяа “NCD группийн танилцуулга, ажил олгогчийн зүгээс оюутнуудаас хүсэх зүйл” сэдвээр, Ультрасоник ХХК-ийн маркетингийн менежер Отгонбаяр “Ультрасоник компанийн танилцуулга, үйл ажиллагаа ажлын байр” сэдвээр тус тус сонирхолтой илтгэлүүдийг тавилаа. Уулзалтын үеэр Канадын Юнитерра олон улсын байгууллагаас эрхлэн гаргасан “Модон байшингийн төсөл тооцооны удиртгал” гарын авлагыг профессор багш оюутнуудад гардуулан өглөө.
ШУТИС-ийн Уул уурхайн Маркшейдерийн сургалт судалгааны лабораторийн нээлт боллоо
Япон улсын Үндэсний судалгааны хүрээлэн Югэ Технологийн коллежтэй хамтын ажиллагааны гэрээ байгууллаа.
Боловсролын байгууллагын менежментийн тогтолцоо - Шаардлага, хэрэглэх арга зүйн заавар, MNS ISO 21001:2021 болон Менежментийн тогтолцоонд аудит явуулах заавар – MNS ISO 19011:2020 стандартын сургалт зохион байгуулагдлаа.
Бөөрөлжүүтийн цахилгаан станцтай танилцлаа
“ASIA BRICOM 2025” тэмцээн Монгол улсад амжилттай болж өндөрлөлөө
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
