ШУТИС-ийн сайн дурын хятад хэлний клуб 2017-2018 оны хичээлийн жилийн намрын улирлын арга хэмжээний хүрээнд “Хятад хэлний яриа”, зохион бичлэг”, “Хятад цаасан хайчилбар”, “Хятад уран бичлэг”, “Хийн дасгал”-ын хичээлийг амжилттай зохион явууллаа.
Оюутны Соёл Үйлчилгээний Албаны баталсан төлөвлөгөө, хуваарийн дагуу “Хятад хэлний яриа”, зохион бичлэг” хичээлийг клубийн зөвлөх багш Ц.Эрдэнэзаяа болон идэвхтэн гишүүд, “Хятад цаасан хайчилбар” хичээлийг БНХАУ-аас ШУТИС-ийн ГХИ-д ажиллаж буй сайн дурын мэргэжилтэн багш Лү Чөнжүн, “Хятад уран бичлэг”, “Хийн дасгал” хичээлийг мэргэжилтэн багш Гө Жинжин багш нартай хамтран амжилттай орлоо.
Энэхүү хайчилбар, уран бичлэгийн хичээлд клубийн гишүүд, ГХИ-ийн ТТО-ийн ангийн болон ГУУС, ЭХС-ийн хөтөлбөрийн ангийн оюутнууд оролцож хийн дасгалаас суралцаж, уран бичлэг болон цаасан хайчилбарын соёлтой танилцан, хичээнгүй уран бичиж, хайчилбар хийж өөрсдийн бяцхан бүтээлийг гаргасан нь тус хичээлүүдийн онцлог байлаа.
Хятад хэлийг сонирхон суралцаж буй нийт клубийн гишүүд, оюутнууд аливаа гадаад хэлийг суралцахдаа тухайн улсынх нь хэл соёл, ёс уламжлал, урлаг соёлоор дамжуулан сэтгэлгээний хэв маяг, өвөрмөц онцлог, шинж төрх хэлээр дамжин илэрч буйг илүү танин мэдсэнээр сурах үйлсдээ амжилт үзүүлэх нь манай клубийн оюутнуудын үйл ажиллагаанаас харагдаж байна.
Клубийн үйл ажиллагаанд идэвхтэй оролцдог, дэмжин ажилладаг хүндэт багш, оюутан, клубийн гишүүддээ гүн талархлаа илэрхийлье.
ГХИ-Хятад хэлний клуб. 2017-11-16
“Түүхэн дурсгалт барилга, архитектурын дурсгалын хадгалалт хамгаалалт” сэдэвт олон улсын симпозиум зохион байгуулагдав
“ХАН ХЭНТИЙ” аялал сайхан боллоо
Тоёота мотор корпорацийн ахлах ерөнхий менежер Масаширо Яамамото тэргүүтэй төлөөлөгчдийг хүлээн авч уулзлаа.
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
