ШУТИС-ийн ХШУС-д хэрэгжиж буй “Химийн инженерчлэл” бакалаврын хөтөлбөрт Үр Дүнд Суурилсан Сургалтын (CDIO) стандартыг нэвтрүүлэх ажлын хүрээнд тохижуулсан идэвхтэй сургалтын танхимыг нээх арга хэмжээ 2018 оны 02-р сарын 08-ны өдөр боллоо. Нээлтийн арга хэмжээнд ХШУС-ийн захирал Д.Ганхуяг, дэд захирал А.Сарнай, эрдэмтэн нарийн бичгийн дарга В.Өлзийбаяр, химийн инженерчлэлийн салбарын зөвлөх профессор Б.Бямбагар, математикийн тэнхимийн эрхлэгч Ц.Жаргалсайхан болон химийн салбарын профессор багш нар оролцлоо.
ШУТИС-д химийн технологийн чиглэлээр мэргэжилтэн бэлтгэсний 20 жилийн ойн баяраар 1997-2017 оны нийт төгсөгчдийн хандивласан санхүүжилтээр Блок-202 тоот өрөөг засварлан тохижуулав. Уг танхим нь Үр Дүнд Суурилсан Сургалтын (CDIO) стандартад нийцсэн зохион байгуулалт, oрчин, үйлчилгээг бүрдүүлсэн идэвхтэй сургалтын танхим болж чадлаа.
Блок 202 лекцийн танхимын өмнөх байдал Блок 202 идэвхтэй сургалтын танхим
Идэвхтэй сургалтын өрөөг тохижуулахад хандив өгсөн 1997-2017 оны нийт төгсөгчид болон тохижуулах ажиллагааг дэмжиж ажилласан ХШУС-ийн Химийн Инженерчлэлийн Салбарын хамт олондоо талархал илэрхийлж, эрдэм номын үйлс тань арвижин дэлгэрэхийг хүсэн ерөөе.
ШУТИС.ХШУС.Химийн Инженерчлэлийн салбар
ШУТИС-ийн Уул уурхайн Маркшейдерийн сургалт судалгааны лабораторийн нээлт боллоо
Япон улсын Үндэсний судалгааны хүрээлэн Югэ Технологийн коллежтэй хамтын ажиллагааны гэрээ байгууллаа.
Боловсролын байгууллагын менежментийн тогтолцоо - Шаардлага, хэрэглэх арга зүйн заавар, MNS ISO 21001:2021 болон Менежментийн тогтолцоонд аудит явуулах заавар – MNS ISO 19011:2020 стандартын сургалт зохион байгуулагдлаа.
Бөөрөлжүүтийн цахилгаан станцтай танилцлаа
“ASIA BRICOM 2025” тэмцээн Монгол улсад амжилттай болж өндөрлөлөө
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
