ШУТИС-ийн МехТС-д Чанарын удирдлагын тогтолцоо ISO 9001:2015 стандартыг нэвтрүүлэх ажлын хүрээнд, сургуулийн үйл ажиллагаанд баримтлах шаардлагатай дүрэм журам, эд хөрөнгө хариуцагчийн эрх, үүрэг, тэдгээрийн бүртгэл тооцоо, албан бичиг хөтлөлт, баримтын талаар профессор багш, ажиллагчдад хууль, эрхзүйн мэдлэгийг олгох зорилготой “Боловсролын эрх зүй, чанарын асуудал” нээлттэй сургалт-семинар 2018 оны 3 дугаар сар 20-нд амжилттай боллоо.
МехТС-ийн Чанарын менежментийн зөвлөлөөс зохион байгуулсан энэхүү сургалтад, ШУТИС-ийн хуулийн зөвлөх Ц.Мөнхцэцэг “Эд хөрөнгийн хариуцлагын тухай ойлголт”,”Зөрчлийн тухай хууль” сэдвээр, Хөрөнгө оруулалт хангамжийн газрын эрх зүйн мэргэжилтэн С.Чинзориг “Сургуулийн санхүүгийн үйл ажиллагаа (Өр авлага барагдуулалт)” сэдвээр тус сургуулийн 50 орчим профессор, багш, санхүү, сургалтын алба, аж ахуй, номын сангийн ажиллагчдад хэрэгтэй мэдээллийг агуулсан илтгэл хэлэлцүүлэн оролцлоо.
Сургалтаар, сургуулийн өр барагдуулах үйл ажиллагааны явц, мөн Эд хөрөнгийн бүрэн хариуцлага, хязгаарлагдмал хариуцлага; Зөрчлийн тухай хуулийн Боловсролын хэсэгт хамаарах заалтууд; Нягтлан бодох бүртгэл, архив, албан хэрэг хөтлөлтийн журам зөрчих зэрэг заалтыг тайлбарлан таниулсан ач холбогдолтой семинар боллоо.
МехТС-ийн захиргаа
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
