Монголын Эрчим хүчний инженерүүдийн холбоо болон ШУТИС-ийн Эрчим хүчний сургууль хамтын ажиллагааны санамж бичигт 2018 оны 4 дүгээр сарын 17-ны өдөр гарын үсэг зурж баталгаажууллаа. Санамж бичигт ШУТИС-ийн ЭХС-ийн захирал Ч.Мангалжалав, Монголын Эрчим хүчний инженерүүдийн холбооны дэд тэргүүн Р.Ганжуур нар гарын үсэг зурлаа. Эрчим хүчний салбарыг улс орны тэргүүлэх салбар болгон эрчимтэй хөгжүүлэхэд өөрсдийн хувь нэмрийг оруулах зорилгоор олон улсын стандартууд, орчин үеийн шаардлагуудад нийцсэн шинэ техник технологийг нэвтрүүлэх болон нутагшуулах, эрчим хүчний инженерүүдийн мэргэжлийн үүрэг, оролцоог нэмэгдүүлэх, тэдний мэдлэг, мэргэжил, ур чадвар, боловсролыг тогтмол дээшлүүлэх, сургалт-үйлдвэрлэлийн холбоог бэхжүүлэх чиглэлээр хамтран ажиллахаар харилцан ойлголцож хамтын ажиллагааны санамж бичиг байгуулсан байна.
Мөн салбарын инженерүүдийн болон багш нарын мэргэжил боловсрол, ур чадварыг дээшлүүлэх, гадаад хэлний мэдлэгийг сайжруулах чиглэлээр дотоодын болон олон улсын сургалт, арга хэмжээнүүдийг хамтран зохион байгуулах, инженерүүдийн ололт, амжилт, ажил амьдралын туршлагыг залуу, дунд үеийн инженерүүдэд эзэмшүүлэх зорилгоор "Монголын эрчим хүчний Шилдэг 100 инженер" буланг "Эрчим хүч & Engineering" сэтгүүлд нээж хамтран тогтмол ажиллуулах юм.
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
