ШУТИС-ийн 60 жилийн ойг угтсан үйл ажиллагааны хүрээнд Хэнтий аймгийн Цэнхэрмандал сумын нутагт байрлах ЭХС-ийн Дулааны инженерийн салбар “Сэргээгдэх эрчим хүч, үйлдвэрийн экологийн сургалт-судалгааны полигон”-ны нээлтийг 2018 оны 9-р сарын 8-ны өдөр хийв. Полигоны нээлтийн үйл ажиллагаанд ШУТИС-ийн захирал Б.Очирбат, Сургалт, оюутны асуудал эрхэлсэн дэд захирал Х.Энхжаргал, Эрдэм шинжилгээ, хамтын ажиллагаа эрхэлсэн дэд захирал Т.Намнан, ЭХС-ийн захирал Ч.Мангалжалав, ЭХС-ийн захирлын зөвлөлийн гишүүд, эрдэмтэн багш нар, хамтран ажилладаг байгууллагууд болон төгсөгчдийн төлөөлөгчид оролцлоо.
Сургалт-судалгааны полигон нь сэргээгдэх эрчим хүчний тоног төхөөрөмжөөр тоноглогдсон бөгөөд оюутнуудын дадлага, лабораторийн ажлууд явуулах, профессор багш нарын судалгаа шинжилгээ хийх, улмаар үр дүнд суурилсан арга зүйг хэрэгжүүлэх суурь бааз болох юм. Үйлдвэрийн экологийн мэргэжлийн хээрийн судалгаа, байгаль орчны мэдээлэл, хэмжилтийг орчин үеийн багаж хэрэгслийн тусламжтай гүйцэтгэх боломжтой. Энэхүү полигоныг түшиглэн Монгол орны байгаль цаг уурын онцлогт тохирсон техник технологи, инновацийг хөгжүүлэх зорилго тавин ажиллаж байна.
Тус сургалт судалгааны полигонд сэргээгдэх эрчим хүчний тоног төхөөрөмж хандивлан, угсралт суурилуулалт хийхэд дэмжлэг үзүүлсэн БЗӨБЦТС-ний хамт олон, “Грийн Солар Энержи”ХХК-ний захирал Ө.Мөнхбаатар, “Мобиком корпорац” Техник төлөвлөлтийн хэлтсийн ахлах инженер Х.Хаш-Эрдэнэ нар болон хамтран ажиллагч байгууллагууд, нээлтийн үйл ажиллагааг идэвхтэй зохион байгуулсан сургуулийн болоод салбарын багш нартаа гүн талархал илэрхийлье.
ШУТИС-ийн Уул уурхайн Маркшейдерийн сургалт судалгааны лабораторийн нээлт боллоо
Япон улсын Үндэсний судалгааны хүрээлэн Югэ Технологийн коллежтэй хамтын ажиллагааны гэрээ байгууллаа.
Боловсролын байгууллагын менежментийн тогтолцоо - Шаардлага, хэрэглэх арга зүйн заавар, MNS ISO 21001:2021 болон Менежментийн тогтолцоонд аудит явуулах заавар – MNS ISO 19011:2020 стандартын сургалт зохион байгуулагдлаа.
Бөөрөлжүүтийн цахилгаан станцтай танилцлаа
“ASIA BRICOM 2025” тэмцээн Монгол улсад амжилттай болж өндөрлөлөө
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
