ЖИ СИ АР Монголиа ХХК-ийн нэрэмжит тэтгэлгийн зорилго нь Барилга угсралт, цахилгаан, механик, уул уурхайн чиглэлээр амжилттай суралцаж буй цаашид иргэний ба үйлдвэрийн барилга байгууламжийн салбарт ажиллах, хүсэл сонирхолтой, чадварлаг, өсөх ирээдүйтэй оюутныг дэмжих, тогтвортой ажлын байраар хангахад оршиж байдаг.
ЖИ СИ АР Монголиа ХХК-ийн нэрэмжит тэтгэлгийн батламж гардуулах ёслолын үйл ажиллагаа ШУТИС-ийн ШУТТНомын сангийн 604 тоотот 2018 оны 11 дүгээр сарын 19-ний өдөр боллоо.
Энэхүү ёслолын арга хэмжээнд ЖИ СИ АР Монголиа ХХК-ийн захирал Б.Жонон, Удирдах зөвлөлийн гишүүн Э.Батзориг, үйл ажиллагаа хариуцсан захирал Крайг МкБарон болон ШУТИС-ийн Сургалт оюутны асуудал эрхэлсэн дэд захирал Х.Энхжаргал, албаны бусад хүмүүс оролцлоо.
Ёслолын үйл ажиллагаа ЖИ СИ АР Монголиа ХХК-ийн видео танилцуулгаар эхэлж уг компанийн үйл ажиллагаа хариуцсан захирал Крайг МкБарон уг ёслолыг нээж үг хэлэв.
Жи Си АР Монголиа ХХК нь энэ жилийг үндэсний хөгжлийн жил болгон зарласан бөгөөд нэг сарын өмнөөс сургалтын төв нээж ажиллуулжээ. Энэхүү төвөөр дамжуулан мэргэжилтэй инженер техникийн ажилтан сургана. Мөн Жи Си Ар Монголиа ХХК-ийн нэрэмжит тэтгэлгийг өнгөрсөн жил 10 оюутанд олгосон. Тус оюутнуудаас 5 оюутан сургуулиа төгсөөд Жи Си Ар Монголиа компанид ажиллаж байна. Энэ жилийн тухайд 14 оюутан тэтгэлэг олгож байгаа бөгөөд тус компанид дадлага хийх боломжтой гэж хэлэв. ШУТИС-ийн Сургалт, оюутны асуудал эрхэлсэн дэд захирал Х.Энхжаргал компанийн удирдлага болон тэтгэлэг авсан оюутнуудад хандан үг хэлэв.
ЖИ СИ АР Монголиа ХХК-ийн захирал Б.Жонон оюутнуудад хандан сургалтын төвд мэргэжилтэй боловсон хүчин мэргэшүүлэн сургаж, англи хэлний мэдлэг сайтай мэргэжилтэнг Монголд төдийгүй Австрали улсад бэлтгэн олон улсын мэргэжлийн инженер, техникийн ажилтаны цалинтай дүйцэхүйц цалинтай ажиллах, дадлага хийх боломжтойг онцоллоо.
Тэтгэлэг авсан Т.Хишигбаатар, П.Болдсайхан, Б.Батхүү, Р.Чанарав, А.Бямбасүрэн, Б.Билгүүн, Г.Жамъяансүрэн, Б.Энх-Амгалан, Т.Пүрэврагчаа, П.Мягмарзаяа, С.Түвшин, М.Ариунтуяа, Ч.Тэмүүжин, Б.Жамсран оюутнууддаа амжилт хүсье!
ОЮУТНЫ СОЁЛ, ҮЙЛЧИЛГЭЭНИЙ АЛБА
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
