ОХУ-ын Эрхүү хотын Байгалийн Улсын Их Сургууль, МУ-ын ШУТИС-ийн багш нарын “Боловсрол, шинжлэх ухаан, технологийн хөгжлийн орчин үеийн чиг хандлага“ сэдэвт хамтарсан семинарт Багшийн хөгжлийн төв, бүрэлдэхүүн сургуулийн БХБагийн ахлагч, гишүүд нийт 17 багш 2018 оны 12-р сарын 20, 21-ний өдрүүдэд амжилттай оролцоод ирлээ.
Хоёр сургуулийн хооронд байгуулсан 2016 оны 04-р сарын 11-ний өдрийн хамтран ажиллах гэрээний дагуу ШУТИС-ийн Багшийн Хөгжлийн төв, Байгалийн Улсын Их Сургуулийн Монгол-Оросын хамтын ажиллагааны нөөцийн төв, эдийн засаг бизнесийн удирдлагын тэнхим тус семинарын зохион байгуулагчаар ажиллав.
Хамтарсан семинарыг нээж Байгалийн Улсын Их Сургуулийн ректор Александр Петрович Суходолов мэндчилгээ дэвшүүлж үг хэлэхдээ Байгалийн Улсын Их Сургууль Монголын нэр хүнд бүхий их сургуулиудтай хамтын ажиллагаагаа өргөжүүлж байгаа нь цаашдын хамтарсан судалгаа шинжилгээний ажлын суурь болж байна гэж үзэж байна.
Байгалийн Улсын Их Сургуулийн мэргэжил дээшлүүлэх институтын үйл ажиллагаатай танилцаж, багш бэлтгэх, давтан бэлтгэх, ур чадвараа хөгжүүлэх, мэргэших, захиалгат болон нэмэлт сургалтын хөтөлбөрүүдтэй танилцан мэдээлэл солилцов.
Багшийн Хөгжлийн Төв
2018.12.26
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
Канадын Йоркийн их сургууль болон Шинжлэх Ухаан Технологийн их сургууль хамтран хэрэгжүүлэх судалгааны төслийн нээлтэд зориулсан Эрдэм шинжилгээний хурал зохион байгуулагдлаа
ШУТИС "Бүс ба Зам" шинжлэх ухаан, технологийн санаачилгын олон улсын чуулга уулзалтад амжилттай оролцлоо
ШУТИС-ийн “Эрдмийн баяр” төгсөлтийн ёслолын ажиллагаа амжилттай болж өндөрлөлөө
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
