ШИНЖЛЭХ УХААН, ТЕХНОЛОГИЙН ИХ СУРГУУЛЬ

ХБНГУ-ын Фрайбергийн Уул уурхайн академитай хамтарсан 3+2 сургалтын хөтөлбөрийн гэрээнд гарын үсэг зурлаа

2010 оны 2 сард БСШУ-ны сайд Ё.Отгонбаяр, ШУТИС-ийн ректор Б.Дамдинсүрэн нар ХБНГУ-д хийсэн ажлын айлчлалын үеэрээ 2 гол ажлыг хамтран хэрэгжүүлэхээр харилцан тохиролцсон билээ. Үүний нэг нь хоёр улсын засгийн газар хамтран тэтгэлэгт хөтөлбөр хэрэгжүүлж, жил бүр баклаврын 10 оюутан, магистрын 10 оюутныг тэтгэлэгтэйгээр ХБНГУ-ын их дээд сургуулиудад суралцуулах болсон. Хоёр дахь гол ажлын хүрээнд ШУТИС болон Фрайбергийн Уул уурхайн академи хамтран сургалтын хөтөлбөр хэрэгжүүлэх ба улмаар хамтарсан сургууль байгуулахаар төлөвлөж байна.

Энэхүү 2 ажил амжилттай хэрэгжиж байгаа ба өнөөдөр 3+2 баклаврын сургалтын хөтөлбөрийг баталгаажуулж гэрээ байгууллаа.

3+2 сургалтын хөтөлбөр хэрэгжиж эхэлсэнээр манай оюутан залуучуудад уул уурхайн ашиглалтын технологи инженер мэргэжлээр ШУТИС-д 3 жил амжилттай суралцсан тохиолдолд Фрайбергийн Уул уурхайн академид 2 жил үргэлжлүүлэн суралцаж магистрын зэрэг хамгаалах сайхан боломж нээгдэж байна.

ЗХШҮГ