“Технологийн инновацийн үйл ажиллагааг дэмжих тухай” хуулийн төсөл УИХ-ын Нийгмийн бодлого, боловсрол, соёл шинжлэх ухааны байнгын хороогоор дэмжигдлээ.
Монгол улсад эрдэсийн баялага, түүнээс олох орлогыг зөв ашиглан улс орны эдийн засгийг эрчимтэй хөгжлийн замд гаргах, хөдөө аж ахуй, ил уурхайн орноос аж үйлдвэржсэн гүрэн болж мэдлэгт суурилсан эдийн засгийн харилцаанд шилжин орох, ажлын байр, хүн амын нийгэм, эдийн засгийн асуудлыг тогтвортойгоор шийдэх зэрэг цаг үеийн болон улс, үндэсний ирээдүй, эрх ашигтай холбоотой олон асуудал байгаа.
Төрийн цогц бодлогоор үе, шатчилан эдгээр асуудлуудыг шийдвэрлэхэд манай эрдэмтэн мэргэдын оюун мэдлэг, туршлага дээр бий болсон шинжлэх ухаан технологийн ололт, бүтээлийг Монгол Улсын эдийн засгийн өсөлтийг нэмэгдүүлэх хэрэгсэл болгон ашиглаж, инновацийн үр ашигтай тогтолцоог өмчийн бүх хэлбэрээр хөгжүүлэх нь цаашилбал мэдлэгт тулгуурласан эдийн засгийн харилцаанд шилжих орох олон арга, гарц замуудын нэг байж болох юм.
Монгол Улсад нийгмийн тогтвортой хөгжлийн үндэс болох нэмүү өртөг шингэсэн бүтээгдэхүүн үйлдвэрлэх үндэсний технологийн хөгжлийн дэвшил авчрах, улс орны хүн амын боловсрол, мэдлэгийн түвшинг дээшлүүлэх. мэдлэгт тулгуурласан эдийн засгийн харилцаанд шилжих болон Монгол Улс аж үйлдвэржих их үйлсэд чухал үүрэг гүйцэтгэнэ хэмээн хүлээж байгаа “Технологийн инновацийн үйл ажиллагааг дэмжих тухай багц хуулийн төслийг” УИХ-ын Нийгмийн бодлого, боловсрол, соёл шинжлэх ухааны байнгын хорооны 12 сарын 14 ны хуралдаанаар хэлэлцэн санал хураахад уг хуулийн төслийг байнгын хороо санал нэгтэй дэмжив. Ийнхүү Инновацын хууль батлагдах үйл ажиллагаа эцсийн шатандаа орж байнгын хорооны танилцуулгыг УИХ-ын чуулганы нэгдсэн хуралдаанд Д.Арвин, А.Тлейхан гишүүн нар танилцуулахаар болсон байна.
Энд нэмж хэлэхэд уг хуулийг ёсчлон баталсан өдрөөс эхлэн:
зэрэг харгалзах хууль, тогтоомжид тус тус орсон нэмэлт, өөрчлөлтүүд хүчин төгөлдөр хэрэгжиж эхлэх болно.
ШУТИГазар
Дамбадаржаа Пүрэвдорж
ШУТИС болон Токиогийн их сургууль оюутан солилцох хамтын ажиллагааны эхлэлийг тавилаа
Японы Кумамото их сургуулийн хэрэглээний математикийн тэнхимийн эрхлэгч Naoyasu Kita ХШУС-ийн Математикийн тэнхимд зочин профессороор ажиллалаа
“Оройн нахиа” оюутны эрдэм шинжилгээний x хуралд амжилттай оролцлоо
“Эмнэлгийн Инженерчлэлийн Ирээдүй” сэдэвт Улсын Анхдугаар Эрдэм шинжилгээний хурлал боллоо
`БИОТЕХНОЛОГИ-БИДНИЙ АМЬДРАЛД 2025`` оюутны эрдэм шинжилгээний бага хурал амжилттай зохион байгуулагдлаа
© 2005-2025 Монгол Улсын Шинжлэх Ухаан Технологийн Их Сургууль, Мэдээллийн технологийн төв
