БНТУ-ын Сивас Жүмхүретийн их сургуультай 2019 оноос Европын холбооны Ерасмус+ хөтөлбөрийн хүрээнд хамтран ажиллаж байгаа бөгөөд энэ хугацаанд 1 багш, 1 оюутан, 8 ажилтан тус их сургуульд сургалтанд хамруулан ажиллаж байна. Цаашид уг хөтөлбөрийг үргэлжлүүлэх мөн хоёр их сургуулийн хооронд хамтын ажиллагааг өргөжүүлэх зорилгоор 2021 оны 11 сарын 17-ны өдөр ЭШХА эрхэлсэн дэд захирал Т. Намнан, Сивас Жүмхүрет их сургуулийн ректор Алийм Илдиз нар хамтын ажиллагааны санамж бичигт гарын үсэг зурлаа. Ингэснээр хоёр их сургууль цаашид хамтарсан судлагаа, багш, оюутан солилцоо мөн хамтарсан төсөл хэрэгжүүлэх боломж нээгдэж байна. Энэ хүрээнд тус их сургуулийн Холбооны факультаттай мультимедиа 2+2 хамтарсан хөтөлбөр хэрэгжүүлэхээр боллоо. Мөн Ерасмус+ хөтөлбөрийг 2022 онд үргэлжлүүлэхээр боллоо.
Дашрамд дурдахад Сивас Жүмхүрет их сургууль нь 1974 онд байгуулагдсан бөгөөд 16 сургууль, 4 хүрээлэн, 5 коллеж, 13 МСҮТ болон 12 судалгааны төв, 55 мянган оюутантай Турк улсын төв хэсэгт байрлах томоохон их сургуулийн нэг юм.
Гадаад харилцаа, хамтын ажиллагааны алба
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
