Үл эвдэх сорилын төвийн захирал, МТС-ийн тэргүүлэх профессор Б.Түмэндэмбэрэл Олон Улсын Атомын энергийн агентлаг (ОУАЭА)-ийн Ази номхон далайн бүсийн гэрээний хүрээнд 2009-2011 онд хэрэгжсэн RAS/8/110 дугаарын төслийн дүнг хэлэлцэх, 2012-2013 онд хэрэгжих “RAS/1/013: Үйлдвэрийн аюулгүй байдал, бүтээгдэхүүний чанар ба бүтээмжийг дээшлүүлэхэд дэвшилтэт үл эвдэх шалгалтын хэрэглээг дэмжих нь” сэдэвт төслийг төлөвлөх нэгдсэн хуралдаанд 2012 оны 02/27-03/02 өдрүүдэд явж оролцоод иржээ. Хуралд Австрали, Бангладеш, БНХАУ, БНЭУ, Индонез, БНСУ, Малайзи, Монгол, Мянмар, Шинэ Зеланд, Филиппин, Шри Ланка, Вьетнам улсын үндэсний зохицуулагч нар өөрийн оронд төслийн шугамаар хэрэгжүүлсэн ажлаа тайлагнаж, шинэ төслөөр хийж ажлаа төлөвлөжээ. Монгол улсын хувьд тайлангийн хугацаанд хийгдсэн гол ажил нь ҮЭС-ын ажилтны баталгаажуулалтын үндэсний схем буй болж MNS ISO/IEC 17024 стандартын дагуу итгэмжлэгдэхэд бэлэн болсон, төслийн шугамаар буй болсон стандартчиллын орчин ба сурч мэргэшсэн инженерүүдийн ачаар анхны хувийн компаниуд байгуулагдан Оюу Толгойн бүтээн байгуулалтад оролцож байгаа явдал юм.
Хоёр төслийн нэгдсэн хурлыг ОУАЭА-аас БНХАУ-ын төрийн өмчит ЦЦС-уудын техникийн үйлчилгээний компани (SNPTC)-г түшиглэн Шанхай хотод зохион байгуулжээ.
Мэдээлэгч: Б.Түмэндэмбэрэл, МТС
ШУТНС "Дэлхийн номын өдөр"-ийг 16 дах жилдээ тэмдэглэн өнгөрүүллээ
“ЭРДЭНЭСИЙН АНГУУЧЛАЛ СЭЖҮҮРТ МӨРДЛӨГИЙН УРАЛДААН - АНГЛИ ХЭЛНИЙ УР ЧАДВАРЫГ САЙЖРУУЛАХ АЯН” зохион байгуулагдлаа.
“JOB FAIR-2025” Ажлын байрны нээлттэй өдөрлөг амжилттай зохион байгуулагдлаа
Хятад хэлний “AI ба хятад хэл” сэдэвт постер илтгэлийн уралдаан амжилттай боллоо
Хятад хэлний клубийн “Ярианы булан”
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
