“Инженер, технологийн дээд боловсрол” төслийн Бакалаврын хамтарсан сургалтын хөтөлбөрийн Япон хэлний сургалтыг ахлан ажиллаж байсан Япон Улсын иргэн Ямамото Канаког Шинжлэх ухаан, технологийн их сургуулийн “Ректорын нэрэмжит шагнал”-аар шагнасныг 2022 оны 4 дүгээр сарын 11-ний өдөр Эрдмийн зөвлөлийн танхимд ШУТИС-ийн захирал Т.Намнан гардуулан өглөө. Монгол Улсын Засгийн газар, Японы Олон Улсын Хамтын Ажиллагааны Байгууллага (JICA) хооронд байгуулсан зээрийн хэлэлцээрийн дагуу 2014 оноос хэрэгжүүлж байгаа Инженер технологийн дээд боловсрол төслийн бакалаврын хамтарсан хөтөлбөрийг 2015-2022 оны хооронд хооронд хариуцан үр бүтээлтэй ажиллаж, япон хэлний дээд боловсролтой багш, мэргэжилтнүүдийг сургаж бэлтгэх, япон хэл судлал, заах арга зүйг хөгжүүлэхэд оруулсан үнэтэй хувь нэмрийг нь үнэлэн шагнажээ. Ямамото Канако нь 2001 оноос гадаадын 5 улсад Япон хэлний багш мэргэжлээр ажилласан байна. Түүнийг ажиллах хугацаанд хамтарсан бакалаврын хөтөлбөрт суралцаж буй оюутнуудын Япон хэлний мэдлэг, уран илтгэх чадвар сайжирч зохион байгуулагдсан тэмцээнд уралдаанд тогтмол ажилттай оролцож, шагналт байр эзэлж байжээ.
ШУТИС-ийн эрдэмтэн Г.Надмид Сүхбаатарын одонгоор шагнагдлаа
ШУТИС-ийн багш, удирдлагууд төрийн дээд цол, одон медалиар шагнагдлаа
Сар шинийн баярыг угтан ШУТИС ахмад настнуудаа хүлээн авч уулзлаа
"САСАКАВА" тэтгэлэгт хөтөлбөрийн талаар
ШУТИС-ийн харьяа Политехник Коллежийн Техникийн боловсролын анхны төгсөлт боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
