Швейцарын Холбооны Улсын Гидрогеологийн нийгэмлэг, Нойшателийн Их сургуулийн Гидрогеологи, геотермийн судалгааны төв болон Олон улсын Гидрогеологичдын холбоо (IAH) хамтран зохион байгуулсан “Дэлхийн газрын доорх усны 51 дэх их хуралд 80 гаруй орны 1100 орчим төлөөлөгч оролцож 2024 оны 9 сарын 8-наас 13-ны хооронд Давос хотод амжилттай зохион байгуулагдлаа.
Тус хуралд Монгол улсаас Аж үйлдвэр, эрдэс баялгийн яамны Хүнд үйлдвэрийн бодлогын газрын дарга С.Сүхбат, Засгийн газрын хэрэгжүүлэгч агентлаг Усны газрын Усны нөөцийн хэлтсийн ахлах мэргэжилтэн Д.Түвшинжаргалаар ахлуулсан тус хэлтсийн мэргэжилтэн Б.Алтанзул, Г.Гансэлэм, Б.Мөнгөнтуул, ШУТИС-ийн Геологи, гидрогеологийн салбарын эрхлэгч Д.Энхбаяр, ахлах багш Б.Наранчимэг, Эрдэнэт Үйлдвэр ТӨҮГ-ын төлөөлөл бусад хувийн хэвшлийн залуу мэргэжилтэн, судлаачдын нийт 14 хүний бүрэлдэхүүнтэйгээр оролцлоо.
Хуралд ШУТИС-ийн Геологи, гидрогеологийн салбарын эрхлэгч, доктор Д. Энхбаяр “Монгол орны газрын доорх усны хяналт-шинжилгээний сүлжээний үнэлгээ” сэдвээр аман илтгэл, ахлах багш, доктор Б.Наранчимэг “Хужиртын халуун рашааны гидрохимийн шинж чанар” сэдвээр ханын илтгэл тус тус амжилттай танилцууллаа.
Мөн хурлын үеэр Аж үйлдвэр, эрдэс баялгийн яамны төлөөлөл Швейцар улсын геотермийн судалгааны дэвшилтэд технологи, дулааны урсгалаар халаалтын системийг шийдэн агаарын бохирдлыг бууруулах байгальд ээлтэй шилдэг технологийг Монгол улсад нутагшуулах тал дээр Давос хотын төлөөлөгчидтэй хамтран ажиллах боломж, Усны газрын төлөөлөгчид байгууллагын чадавх дээшлүүлэх шилдэг инженер, сайн дурын ажилтан урих, газрын доорх усны мэргэжилтэй боловсон хүчин тасралтгүй амжилттай бэлтгэхэд төрийн оролцоо, олон улсын эрдэмтдээс туршлага судлах, урих цаашид хамтрах боломжийн талаар олон үр дүнтэй уулзалтуудыг хийлээ.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
