ШИНЖЛЭХ УХААН, ТЕХНОЛОГИЙН ИХ СУРГУУЛЬ

Монголын Инновацын холбоотой хамтын ажиллагааны санамж бичиг байгууллаа

Инновац, гарааны бизнес, технологи дамжуулалт, түншлэлийг өргөжүүлэх чиглэлээр Шинжлэх Ухаан Технологийн Их Сургууль, Монгол инновацын холбоотой хамтын ажиллагааны санамж бичгийг 2025 оны 04-р сарын 03-ны өдөр байгууллаа. Санамж бичигт ШУТИС-ийн ректор Т.Намнан, Монголын инновацын холбооны удирдах зөвлөлийн дарга Л.Оюунцэцэг нар гарын үсэг зурав.

Судалгаа хөгжүүлэлт, инновац, бизнес түншлэлийн чиглэлээр хамтран ажиллах гэрээ нь 5 жилийн хугацаанд үргэлжлэх бөгөөд дараах ажлуудыг тусгав.

Шинжлэх ухаан технологи, инновацын талаарх мэдлэг түгээн дэлгэрүүлэх үүнтэй холбоотой мэргэшүүлэх, мэргэжил дээшлүүлэх сургалт зохион байгуулах
Инновацыг хөгжүүлэхэд чиглэсэн зохион бүтээлт, технологийн арга хэмжээ зохион байгуулах
Шинжлэх ухаан технологи, инновацын гадаад дотоодын бизнесийн хамтын ажиллагаа, түншлэлийг хөгжүүлэх
Инновацын холбооны зүгээс багш, оюутны гарааны бизнесийг хөгжүүлэхэд мэргэжлийн арга зүйн зөвлөгөө, үйлчилгээ үзүүлэх

Санамж бичиг байгуулах үйл ажиллагаанд ШУТИС-иас Хөгжлийн бодлого, дижитал шилжилт эрхэлсэн проректор Р.Бадмаанямбуу, Инновац, бизнес түншлэлийн албаны дарга М.Зулбаяр, Монголын инновацын холбооны удирдах зөвлөлийн гишүүн, “Старт-ап Монгол” ТББ-ийн удирдах зөвлөлийн дарга С.Эрдэнэбат, Монголын инновацын холбооны удирдах зөвлөлийн гишүүн, Сократус Студио ХХК-ийн гүйцэтгэх захирал А.Мөнхцог, гүйцэтгэх захирал Г.Сэлэнгэ нарын төлөөллүүд оролцож хамтын ажиллагааны талаар харилцан санал солилцов.