ЭЛСЭЛТИЙН ВЭБ ЧУХАЛ ХОЛБООС
БЗС-ийн сургалтын төлбөрийн хөнгөлөлттэй зээлд 2025-2026 оны хичээлийн жилд анх удаа хамрагдах ШУТИС-ийн суралцагчдын анхааралд
Хуваалцах

Суралцагчид сургалтын төлбөрийн хөнгөлөлттэй зээл олгох харилцааг  Засгийн газрын 2025 оны 04 дүгээр сарын 30-ны өдрийн 215 дугаар тогтоолын хавсралтаар батлагдсан “Дээд боловсролын сургалтын байгууллагын суралцагчид тэтгэлэг, зээл, буцалтгүй тусламж олгох, дэмжлэг үзүүлэх, зээл эргэн төлүүлэх журам”-аар зохицуулна.

Бакалавр, магистр, докторын үндсэн хөтөлбөрөөр, мөн дэд бакалавр хөтөлбөрөөр  суралцах иргэнд хөнгөлөлттэй зээл олгоно.

Тэтгэлэг, зээл, буцалтгүй тусламж, дэмжлэг авах суралцагч дараах нийтлэг шаардлагыг хангасан байна. Үүнд:

  1. Монгол улсын иргэн байх;
  2. Тэргүүлэх, эсхүл эрэлттэй мэргэжлийн  чиглэлийн үндсэн хөтөлбөрт элсэн суралцагч байх;
  3. Боловсролын цахим мэдээллийн системд бүртгэгдсэн байх;
  4. Магадлан итгэмжлэгдсэн сургалтын хөтөлбөрөөр суралцагч байх, эсхүл сургалтын байгууллагын үндэсний эрэмбийн үнэлгээний “сургалт” хэсэгт 50-аас дээш хувийн үнэлгээ авсан сургалтын байгууллага (ШУТИС энэ шаардлагыг хангасан)-д суралцдаг байх;
  5. Дэд бакалавр, бакалавр, магистр, докторын  хөтөлбөрт анхлан суралцагч байх;
  6. Суралцагч зээл авснаас бусад тохиолдолд Боловсролын зээлийн сангийн хөрөнгөөр суралцаагүй байх;
  7. Засгийн газрын тусгай сангийн тухай хуульд заасны дагуу “өрийн мэдээллийн сан”-д зээлийн үлдэгдэлгүй байх.

Дээрх нийтлэг шаардлагаас гадна дараах тусгай шаардлагыг хангасан байна.

  • Магадлан итгэмжлэгдсэн сургалтын байгууллагад (ШУТИС-ийн байгууллагын магадлан итгэмжлэл 2034 он хүртэл хүчин төгөлдөр хугацаатай) дэд бакалавр, бакалавр, магистр, докторын үндсэн хөтөлбөрөөр суралцдаг байх;
  • Элсэн суралцагч дэд бакалавр, бакалаврын хөтөлбөрт  элсэлтийн босго оноонд хүрсэн, магистр, докторын хөтөлбөрт суралцах бол өмнөх боловсролын зэргийн дипломын голч дүн 2.8-аас доошгүй байх;
  • Дэд бакалавр, бакалаврын үндсэн хөтөлбөрөөр үргэлжлүүлэн суралцагчийн өмнөх улирлын голч дүн 2.8-аас доошгүй, магистр, докторын үндсэн хөтөлбөрөөр суралцагчийн голч дүн 3.0-оос доошгүй байх.

Хөнгөлөлттэй зээлд хамрагдах суралцагч дараах баримт бичгийг бүрдүүлж, бүрэлдэхүүн, салбар, харьяа сургуулийн сургалтын  албанд 2025 оны 8 дугаар сарын 18-наас 9 дүгээр сарын 05-ны (ажлын) өдрүүдэд өгнө.

Баримт бичгийг сургалтын албаны ажилтан хянах ба шалгуур хангасан суралцагчтай  Боловсрол, шинжлэх ухааны сайдын 2024 оны 06 дугаар сарын 14-ний өдрийн А/301 дүгээр тушаалын 10 дугаар хавсралтаар батлагдсан “Дотоодын дээд боловсролын сургалтын байгууллагад суралцагчид сургалтын зээл олгох, эргэн төлүүлэх гэрээ”  байгуулна.

Бүрдүүлэх баримт бичиг:

            I. Хичээл сонголт 2 хийхийн өмнө:

  1. Хүсэлт (батлагдсан маягтын дагуу, өргөдөл хэсэгт оюутан өөрийн болон эцэг эх, асран хамгаалагчийн гар утасны дугаар, өөрийн и-мэйл хаягийг нэмж бичнэ);
  2. Иргэний үнэмлэх, эсхүл лавлагаа (суралцагч, эцэг эх, асран хамгаалагч);
  3. Дэд бакалавр, бакалаврын үндсэн хөтөлбөрт элсэгч бол элсэлтийн шалгалтын батламжийн хуулбар, техникийн боловсролын сургалтын байгууллагын төгсөгч бол  дипломын хуулбар;
  4. Үргэлжлүүлэн суралцагч бол өмнөх улирлын голч дүнгийн хуудас;
  5. “Өрийн мэдээллийн нэгдсэн сан”-д зээлийн үлдэгдэлгүй (хугацаа хэтэрсэн зээлийн өргүй) тухай лавлагаа И монгол системээс;
  6. Эрсдлийн даатгалын хураамж төлсөн баримт.

II. Хичээл сонголт-2 хийсний дараа:       

  1. Тухайн улиралд судлах хичээлийг баталгаажуулсан тодорхойлолт;
  2. Сургалтын төлбөрийн нэхэмжлэл.
СҮҮЛД НЭМЭГДСЭН

ШУТИС-ийн “Эрдэм шинжилгээний бүтээлийн эмхэтгэл”-ийн 2025 оны IV улирлын дугаарт судалгааны үр дүнгээ хэвлүүлэхийг урьж байна.

Докторын зэрэг хамгаална

ШУТИС-ийн багш ажилчдын дундах спортын 8 төрлийн тэмцээний “MUST CUP 2025” хөл бөмбөгийн аварга шалгаруулах тэмцээний удирдамж

ШУТИС-ИЙН ХАРЬЯА ХҮНСНИЙ ЭРДЭМ ШИНЖИЛГЭЭ, СУДАЛГААНЫ ХҮРЭЭЛЭНГИЙН ЗАХИРЛЫН СОНГОН ШАЛГАРУУЛАЛТЫН ЗАР

КОФЕ ШОПЫН ЧИГЛЭЛЭЭР ТҮРЭЭСЛЭГЧИЙГ СОНГОН ШАЛГАРУУЛАЛТЫН УРИЛГА
БУСАД ЗАРЛАЛ ...
хаах
ЧУХАЛ ХОЛБООС
САЛБАР СУРГУУЛЬ
БҮРЭЛДЭХҮҮН СУРГУУЛЬ
ЭРДЭМ ШИНЖИЛГЭЭНИЙ ХҮРЭЭЛЭНГҮҮД
Бидний тухай
ЗАСАГЛАЛ
Сургалт
ЭРДЭМ ШИНЖИЛГЭЭ, ИННОВАЦИ
Оюутан
ХАМТЫН АЖИЛЛАГАА
САНХҮҮ, ХӨРӨНГӨ ОРУУЛАЛТ
МАНАЙ ХАЯГ
  • Шинжлэх Ухаан Технологийн Их Сургууль 8-р хороо, Бага тойруу, Сүхбаатар дүүрэг Улаанбаатар, Монгол улс 14191
  • Ш/х : 46/520
  • Утас : (976)-11-324590
МАНАЙ СҮЛЖЭЭНД НЭГДЭЭРЭЙ
МЭДЭЭ ХҮЛЭЭН АВАХ И-МЭЙЛ:
news@must.edu.mn
must

ШИЛЭН ДАНСНЫ МЭДЭЭЛЭЛ

must

АВИЛГАТАЙ ТЭМЦЭХ ГАЗАР

ШУДАРГА НИЙГМИЙН ТӨЛӨӨ ХАМТДАА
must

ХӨРӨНГӨ, ОРЛОГЫН МЭДҮҮЛЭГ

ХУВИЙН АШИГ СОНИРХОЛЫН МЭДҮҮЛЭГ

© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв