Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх нэр бүхий эрхмүүдэд төрийн дээд цол, одон, медаль гардууллаа.
Шагнал гардуулах ёслолоор Шинжлэх ухаан, технологийн их сургууль болон Монгол Улсын шинжлэх ухааны салбарт олон жил үр бүтээлтэй хөдөлмөрлөсөн эрхэм эрдэмтэн, ШУТИС-ийн Дулааны техник, үйлдвэрлэлийн экологийн хүрээлэнгийн захирал, Академич, Шинжлэх ухааны доктор, профессор Халтарын Энхжаргал нь “Шинжлэх ухааны гавьяат зүтгэлтэн” цолоор шагнагдлаа.
Профессор Х.Энхжаргал нь ШУТИС-д багш, профессор, тэнхимийн эрхлэгч, ЭХС-ийн захирал, Сургалт, оюутны асуудал эрхэлсэн проректор зэрэг хариуцлагатай албан тушаалуудад олон жилийн турш амжилттай ажиллаж, сургалт, судалгааны үйл ажиллагааг шинэ түвшинд хүргэхэд үнэтэй хувь нэмэр оруулсан билээ.
Тэрээр эрдэм шинжилгээ, судалгааны олон арван бүтээл, өгүүлэл, заавар, зөвлөмж, гарын авлага боловсруулж, үйлдвэрлэлийн экологийн хөгжлийн чиглэлд үнэ цэнтэй судалгаа хийж, шинжлэх ухааны салбарын хөгжилд жинтэй хувь нэмэр оруулсан нь энэхүү өндөр шагналаар үнэлэгдлээ.
Шинжлэх ухаан, технологийн их сургуулийн хамт олон "Шинжлэх ухаан, технологи, инновацын шилдэг бүтээл" танилцуулах "2IP-2025" арга хэмжээний үеэр Шинжлэх ухааны гавьяат зүтгэлтэн Академич, Шинжлэх ухааны доктор, профессор Х.Энхжаргалыг хүлээн авч хүндэтгэл үзүүллээ.
ШУТИС-ийн эрдмийн хамт олон профессор Х.Энхжаргал танд эрдмийн өндөр амжилт, ажил хөдөлмөрийн арвин баялаг ололт, амжилт бүтээлийг хүсэн ерөөе.
Их сургуулийн дижитал шилжилт” сэдэвт семинар амжилттай боллоо
Үндэсний үйлдвэрүүд нэгдэн ШУТИС-д 1 тэрбум төгрөгийн дэмжлэг oлгож, хамтран ажиллах гэрээ байгууллаа
ШУТИС-ийн оюутны I байрны оюутнууд спортын 4 төрөлтийн наадам амжилттай оролцов
“Газрын тос боловсруулах үйлдвэрийн тооцоо, загварчлалд Aspen Plus программ ашиглах нь” сэдэвт сургалт амжилттай зохион байгуулагдлаа
ШУТИС-ийн Геологи, уул уурхайн сургуулийн багш, ажилтнууд олон улсын хамтарсан сургалтад хамрагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
