ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Гэрээсээ Гарцгаая-Оюутан” хэлэлцүүлэг боллоо

Хөгжлийн бэрхшээлтэй оюутнуудын боловсрол, сургалтын орчны тулгамдсан асуудлыг тодорхойлох зорилготой “Гэрээсээ Гарцгаая-Оюутан” хэлэлцүүлэг 2025.11.19-нд Төрийн ордонд боллоо. Тус хэлэлцүүлэгт УИХ-ын гишүүн М.Ганхүлэг, УИХ-ын гишүүн О.Саранчулуун, УИХ-ын гишүүн Ж.Баясгалан, Хөгжлийн бэрхшээлтэй хүний хөгжлийн ерөнхий газрын дарга Д.Гэрэл, ГБХНХЯ, Боловсролын ерөнхий газар, ТББ-ын төлөөлөл болон 14 их сургуулиудын оюутан, залуус, эцэг эхчүүдийн төлөөлөл, удирдлагуудын 107 хүн оролцсон гурван талт хэлэлцүүлэг боллоо.

Хэлэлцүүлэгт ШУТИС-аас ОҮА-ны дарга Д.Цогзолмаа, Оюутны холбооны дэд тэргүүн Б.Батмөнх болон МИТС-ийн оюутан Ц.Анужин, БАС-ийн оюутан Н.Хонгорзул, ЭХИС-ийн оюутан Б.Болорцэцэг нар оролцлоо.

Тус хэлэлцүүлгээр:

Саадгүй байдал, хүртээмжийн тухай хуулийн төсөл “ГЭРЭЭСЭЭ ГАРЦГААЯ АЯН”-ы танилцуулга;
Хүртээмжтэй их сургууль Америкийн Нэгдсэн Улс, Канад улсын туршлага;
”Гэрээсээ гарцгаая-Оюутан” хэлэлцүүлгийн танилцуулга, цаашид хэрэгжүүлэх үйл ажиллагааны төлөвлөгөө;
Хөгжлийн бэрхшээлтэй иргэд сурч боловсроход ээлтэй шийдэл санаачилгатай ажиллаж буй Мандах их сургуулийн сайн жишээг танилцуулах;
Хэлэлцүүлэгт оролцогчид санал, хүсэлтээ илэрхийллээ;
Хөгжлийн бэрхшээлтэй оюутны эрхийг хангах чиглэлээр Социал Демократ Монголын Оюутны холбоо дэргэдээ “Хүртээмж клуб”-г байгуулж оюутнууд сайн дураар нэгдэж хамтран ажиллахаар боллоо.

Хөгжлийн бэрхшээлтэй оюутнуудын тулгамдаж буй асуудлыг шийдэх зорилготой Социал Демократ Монголын Оюутны холбооны дэргэдэх “Хүртээмж клуб”-ийг байгууллаа

Өнөөдрийн байдлаар Монгол Улсад өнөөдрийн байдлаар 107904 хөгжлийн бэрхшээлтэй иргэн амьдарч байна. Тэдний дундаас 18–34 насны 18,886 залуус байна. Гэвч тэдний дөнгөж 2.3 хувь буюу 436 залуус л их, дээд сургуульд суралцаж байна.

Цаашид:

”Хөгжлийн бэрхшээлтэй” оюутнуудын эрхийг хангах чиглэлээр зөвлөмж боловсруулан Засгийн газарт хүргүүлэх;
Орчны хүртээмжийн аудит хийх;
Энэ чиглэлээр эерэг нөлөөллийн сургалт, семинар, хийх;
”Хөгжлийн бэрхшээлтэй” оюутнуудтай уулзалт зохион байгуулах;
Эерэг нөлөөллийн контент түгээх аяныг тус тус хийж хэрэгжүүлэхээр хэлэлцлээ.