2026 оны босгон дээр ШУТИС-ийн судалгаа, инновацын хөгжилд хувь нэмэр оруулах, улс орны нийгэм эдийн засгийн ач холбогдол бүхий Суурь, хэрэглээний судалгааны-15 төсөл, Технологийн туршилт, зүгшрүүлэлтийн- 2 төсөл, Докторын дараах судлаачийн тэтгэлэгт хөтөлбөрт -3 судлаачийн нийт 530 гаруй сая төгрөгийн санхүүжилт бүхий 20 төслийг хэрэгжүүлэхээр төслийн удирдагч судлаачидтай гэрээ байгуулах арга хэмжээ зохион байгуулагдлаа.
Гэрээ зурах ёслолд Эрдэм шинжилгээ, инновац эрхэлсэн проректор Д.Цолмонбаатар, Эрдэм шинжилгээ, технологи хөгжүүлэлтийн албаны дарга Ц.Цоггэрэл, Инновац, бизнес түншлэлийн албаны дарга М.Зулбаяр, Ахисан түвшний сургуулийн захирал И.Цэрэн-Онолт болон бүрэлдэхүүн сургууль, харьяа хүрээлэнгүүдийн судлаачид, төслийн удирдагч нар оролцлоо.
“ШУТИС-2030” стратеги төлөвлөгөөний үндсэн зорилтуудыг хэрэгжүүлэх, их сургуулийн судалгааны чадавхийг нэмэгдүүлэхэд чиглэсэн энэхүү үйл ажиллагаа нь ШУТИС-иас эрдэм шинжилгээ, инновацын санхүүжилтийн хэмжээг энэ жилээс эхлэн 2 дахин нэмэгдүүлж байгаагаараа онцлогтой бөгөөд докторын дараах судлаачийн тэтгэлэгт хөтөлбөрийг шинээр бий болгож, эрдмийн зэрэг (Ph.D.) хамгаалсан, эрдэмтдийн залгамж хойч үе болсон залуу судлаачдын бие даан эрдэм шинжилгээний ажил гүйцэтгэх, түүний үр дүнд инновац бий болгох, олон улсын түвшинд өрсөлдөхүйц судлаачдын багийг хөхүүлэн дэмжих зорилготой юм.
Төслийн санхүүжилтийн сонгон шалгаруулалтанд амжилттай оролцсон нийт профессор, багш, судлаачиддаа эрдэм судлалын өндөр амжилт хүсэн ерөөе.
Эрдэм шинжилгээ, технологи хөгжүүлэлтийн алба
Инновац, бизнес түншлэлийн алба
Ахисан түвшний сургууль
ХБНГУ-ын Фрайбергийн Уул уурхайн академийн технологийн их сургуулийн “Эрчим хүчний технологи, химийн инженерчлэлийн сургууль”-тай Химийн инженерчлэлийн бакалавр, магистрын хамтарсан хөтөлбөр хэрэгжүүлэхээр боллоо
ХБНГУ-ын Фрайбергийн уул уурхайн академийн технологийн их сургууль, Гёттингений их сургууль, Бранденбургийн техникийн их сургуулиутай хамтран төсөл хэрэгжүүлэхээр боллоо
ШУТИС Германы гурван их сургуультай хамтын ажиллагаагаа шинэ шатанд гаргалаа
Инженерийн боловсролын чанарыг олон улсын түвшинд үнэлүүлэх нэгэн чухал үе шат хэрэгжлээ
“Соёлын өвийн хадгалалт хамгаалалтын өнөөгийн байдал ба чиг хандлага” VI симпозиум ШУТИС-д болж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
