2026 оны 10 дугаар сарын 30-наас 11 дүгээр сарын 1-ний өдрүүдэд БНХАУ-ын Шанхай хотноо зохион байгуулагдсан “Asian University 3x3 Basketball Tour 2026 Opener” олон улсын тэмцээнд Шинжлэх Ухаан, Технологийн Их Сургуулийн сагсан бөмбөгийн эрэгтэй баг Монгол Улсаа төлөөлөн амжилттай оролцлоо. Тус тэмцээнд Ази тивийн 9 улс, бүс нутгийн нийт 26 баг оролцож, гурван өдрийн турш өрсөлдөөнтэй, сонирхолтой тоглолтуудыг үзүүлсэн юм.

ШУТИС-ийн баг эрэгтэйчүүдийн B хэсэгт БНХАУ-ын нэр хүндтэй Шанхайн Жяо Тун их сургууль (SJTU), Хонконгийн Хятад их сургууль (CUHK)-ийн багуудтай өрсөлдөж, улмаар хасагдах шатанд шалгарах эрхийн төлөө Макаогийн Хотын их сургууль (CITYU)-ийн багтай тоглолоо. Тэмцээний хэсгийн шатанд Шанхайн Жяо Тун их сургуулийн багтай 14:21, Хонконгийн Хятад их сургуулийн багтай 15:21 харьцаатай тоглосон бол плей-ин шатанд Макаогийн Хотын их сургуулийн багтай тун өрсөлдөөнтэй тоглож, 19:21 харьцаатайгаар хоёрхон онооны зөрүүтэй хожигдсон юм. ШУТИС-ийн баг Азийн их сургуулиудын багуудтай өрсөлдөн, тэмцээний эрэгтэйчүүдийн ангилалд 10 дугаар байр эзэлж, олон улсын тэмцээний туршлага хуримтлууллаа.


ШУТИС-ийн багийн бүрэлдэхүүн:
Багийн дасгалжуулагч: Б.Ганзориг
Н.Хаянхярваа — Эрчим хүчний инженерчлэлийн сургуулийн “Цахилгаан хангамж” хөтөлбөрийн IV курсийн оюутан;
Ж.Пүрэвбат — Механик инженер, тээврийн сургуулийн “Механик инженерчлэл” хөтөлбөрийн III курсийн оюутан;
А.Түвшинтөр — Механик инженер, тээврийн сургуулийн “Зүтгүүрийн аж ахуй” хөтөлбөрийн II курсийн оюутан;
Х.Буянтогтох — Мэдээлэл, холбооны технологийн сургуулийн “Мэдээлэл, холбооны сүлжээний инженер” хөтөлбөрийн II курсийн оюутан.
Энэхүү олон улсын тэмцээн нь Азийн улс орнуудын их сургуулийн оюутан тамирчдын ур чадварыг сорихын зэрэгцээ спортын нөхөрлөл, харилцаа холбоо, соёлын солилцоог өргөжүүлэх ач холбогдолтой байлаа.
Олон улсын тавцанд Монгол Улс, ШУТИС-ийг төлөөлөн оролцсон оюутан тамирчид болон дасгалжуулагчид баяр хүргэж, цаашдын сурлага, спортын өндөр амжилт хүсье!

Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
Радио давтамж, антены сорилтын лаборатори ISO/IEC 17025:2017 стандартын дагуу магадлан итгэмжлэгдлээ.