ШИНЖЛЭХ УХААН, ТЕХНОЛОГИЙН ИХ СУРГУУЛЬ

“Багшийн ёс зүй, имидж бүрдүүлэлт” сургалт семинарыг гурван өдөр амжилттай зохион байгууллаа

ШУТИС-д хэрэгжиж буй “Багш, оюутны долоо хоног” хөтөлбөрийн хүрээнд залуу багш нарт зориулсан “Багшийн ёс зүй, имидж бүрдүүлэлт” сургалт семинарыг гурван өдөр амжилттай зохион байгууллаа. Тус сургалт, семинарт 125 залуу багш хамрагдав.

Сургалт семинарын зорилго:

- Сургалтанд хамрагдаж буй багш нарт ёс зүйн үндсэн ойлголтууд,

- ёс суртахууны үнэлэмж хэрхэн бүрддэг,

- сургуулийн орчинд багш оюутны харилцаа,

- түүний хэм хэмжээ ямар байх ёстой хийгээд багш хүний үүрэг, хариуцлага

- харилцааны соёл зэрэг имиджийг хэрхэн бүрдүүлэх талаар мэдлэгийг гүнзгийрүүлэхэд чиглэсэн.

Сургалт семинарын хөтөлбөр:

№	Агуулга	Хичээлийн сэдэв	Багш нар
1.	Багшийн ёс зүйн асуудал	Ёс зүйн үндсэн ойлголтууд, Үнэлэмжийн асуудал	- НТС-ийн ЭШИЭДЗ доктор Ц. Батцэрэн
		Багшийн ёс суртахуун ба багшийн ёс зүйн дүрэм	- НТС-ийн ТСС-ын профессорын багийн дэд профессор, доктор Д. Наранцацрал
		Хувь хүний имидж бүрдүүлэлт	- ҮТДС-ийн багш, Б.Оюун-Эрдэнэ, Д.Буяндэлгэр нар
2.	Багш оюутны харилцааны асуудал	Орчин үе ба оюутан Оюутны ёс зүй	- НТС-ийн ТСС-ын профессорын багийн дэд профессор, доктор Д. Наранцацрал
		ШУТИС-ийн сургалтын систем ба багш оюутны харилцаа	- НТС-ийн ЭШИЭДЗ доктор Ц. Батцэрэн, ОХҮА-ны мэргэжилтэн Д. Цогзолмаа
		Зөвлөх багш оюутныг бие хүн болгож хэрхэн төлөвшүүлэх зөвлөмж	-ОХҮА-ны мэргэжилтэн Д. Цогзолмаа

Сургалт семинарт хамрагдсан багш нар “багш оюутны хоорондын харилцаа”-нд тулгардаг асуудлыг дэвшүүлэн өөрсдийн туршлага, сургалт, хүмүүжлийн арга барилаас бусаддаа хуваалцаж харилцан санал солилцож сургалт үр өгөөжтэй явагдлаа. Уг сургалтыг зохион байгуулсан багш нар зөвлөмж боловсруулан гаргахаар ажиллаж байна.

Тус сургалт семинарыг зохион байгуулахад дэмжлэг үзүүлсэн ШУТИС-ийн Сургалтын проректор Х.Энхжаргал, проректор Т.Намнан, бүрэлдэхүүн сургуулийн захирлуудад талархсанаа илэрхийлье.

Оюутны хөгжил, үйлчилгээний алба,

Нийгмийн технологийн сургууль

Үйлдвэрийн технологи, дизайны сургууль