ШИНЖЛЭХ УХААН, ТЕХНОЛОГИЙН ИХ СУРГУУЛЬ

ИННОВАЦИЙН ТӨСЛИЙН СОНГОН ШАЛГАРУУЛАЛТ ЗАРЛАГДЛАА.

“Монгол Улсад Үндэсний инновацийн тогтолцоог хөгжүүлэх хөтөлбөр”-ийг хэрэгжүүлэх арга хэмжээний хүрээнд 2010 оноос эхлэн хэрэгжүүлэх инновацийн төслийн сонгон шалгаруулалтыг БСШУЯ-наас зарлалаа.

Инновацийн төсөлд тавигдах шаардлага:
1.    Төсөл нь технологийн агууламж өндөртэй үйлдвэрлэл, үйлчилгээ эрхлэн шинжлэх ухааны оюуны багтаамжтай, эдийн засгийн үр ашигтай бүтээгдэхүүний үйлдвэрлэлийг бий болгоход чиглэгдсэн байх;
2.    Инновацийн төслөөр бий болох бүтээгдэхүүн нь Монгол Улсад шинээр үйлдвэрлэгдэж байгаа, эсхүл зах зээл дээрх ижил төстэй бүтээгдэхүүн, технологи, үйлчилгээтэй харьцуулахад өрсөлдөх чадвар, техник, эдийн засгийн үзүүлэлтээр илүү түвшинд байх;
3.    Туршин нэвтрүүлэх бүтээгдэхүүн, техник, технологи нь эрдэмтэд, судлаачдын оюуны бүтээлээр баталгаажсан байх;
4.    Цалингийн сан нь төслийн нийт санхүүжилтийн 20 хувиас хэтрэхгүй байх;
5.    Хэрэгжилтийн хугацаа 1-3 жил байх.

ШУТИС-ийн судлаачдын инновацийн төслийн саналыг 2010 оны 6-р сарын 28-ны дотор ШУТИГ-т /Т.Төрмөнх, утас 1033, 99030379/ хүлээн авна.

Шинжлэх ухаан, технологи, инновацийн газар