ШУТИС-ийн ҮЭ-ийн НЭГДСЭН ХОРОО
Улаанбаатар хот, Сүхбаатар дүүрэг, Бага тойруу
ПРОФЕССОР, БАГШ, АЖИЛЧДЫН АНХААРАЛД
ШУТИС-ийн Захиргаа, ҮЭ-ийн хорооны хооронд байгуулах энэ хичээлийн жилийн Хамтын гэрээний зарим заалтуудаар тохиролцоонд хүрээгүй тул ҮЭ-ийн бүх гишүүдийн хурлаар хамтын маргаан үүсгэж, шаардлага хүргүүлэх шийдвэр гарсан. Уг шаардлагыг ШУТИС-ийн Захиргаанд 2010 оны 10-р сарын 15-нд хүргүүлсэн боловч Монгол улсын Хөдөлмөрийн хуулинд заасан ажлын 3 хоногт хариу өгөөгүй болно. Тиймээс ҮЭ-ээс хуулийн дагуу зуучлагч урьж оролцуулах хүсэлтийг 2010 оны 10-р сарын 22-нд Захиргаанд тавьсан. Хэрэв ажлын 3 хоногт хариу өгч, зуучлагч урьж оролцуулахгүй бол Хөдөлмөрийн хуулийн дагуу Нийслэлийн Сүхбаатар дүүргийн Засаг даргад хандаж зуучлагч эсвэл хөдөлмөрийн арбитр томилуулж өгөх хүсэлтийг тавина.
Монгол улсын Засгийн газрын 2010 оны 09-р сарын 15-ны 239 тоот тогтоолоор цалин, тэтгэвэр, тэтгэмжийг 30 хувиар нэмсэн боловч ШУТИС уг тогтоолыг биелүүлэхгүй байна. Тус сургуулийн Захиргаа 2010-2011 оны хичээлийн жилийн Хамтын гэрээг энэ тогтоолоор нэмэх цалингийн 30 хувиар барьцаалж, хэрэв 30 хувь нэмэх юм бол бидний тавиад байгаа шаардлагыг биелүүлэх боломжгүй, хэрэв цалин 30 хувь нэмэхгүй бол шаардлагыг чинь хүлээж авч болно хэмээн Хамтын гэрээний өөрсдийн хувилбар дээрээ гарын үсэг зурахыг тулган шаардаж, ҮЭ-ийн сонгуульт ажилтнуудыг айлган сүрдүүлж байна. Хамт олны төлөөлөл болсон ҮЭ энэхүү Хамтын гэрээн дээр гарын үсгээ зурахгүй гэсэн хариугаа өгсөн.
ШУТИС-ийн нийт профессор, багш, ажилчид аа.
ШУТИС-ийн дэргэдэх ҮЭ-ийн Нэгдсэн хороо цалинг 30 хувиар нэмэгдүүлэхтэй холбогдуулан МБШУ-ны ҮЭХолбоогоор дамжуулан БСШУЯам, Засгийн газрын тэргүүн, холбогдох бусад газруудад албан бичиг хүргүүлсэн билээ. Тиймээс та бүгд тэвчээртэй, хүлээцтэй хандах хэрэгтэй байна.
Шударга ёсны төлөө нэгдэж, өөрсдийнхөө эрхийн төлөө хийж байгаа үйл ажиллагааг дэмжиж, тууштай байхыг Та бүхнээс хүсье.
ШУТИС-ийн дэргэдэх ҮЭ-ийн Нэгдсэн Хороо
ШУТИС болон Токиогийн их сургууль оюутан солилцох хамтын ажиллагааны эхлэлийг тавилаа
Японы Кумамото их сургуулийн хэрэглээний математикийн тэнхимийн эрхлэгч Naoyasu Kita ХШУС-ийн Математикийн тэнхимд зочин профессороор ажиллалаа
“Оройн нахиа” оюутны эрдэм шинжилгээний x хуралд амжилттай оролцлоо
“Эмнэлгийн Инженерчлэлийн Ирээдүй” сэдэвт Улсын Анхдугаар Эрдэм шинжилгээний хурлал боллоо
`БИОТЕХНОЛОГИ-БИДНИЙ АМЬДРАЛД 2025`` оюутны эрдэм шинжилгээний бага хурал амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
