ШИНЖЛЭХ УХААН, ТЕХНОЛОГИЙН ИХ СУРГУУЛЬ

БАС-ийн Багшийн хөгжлийн баг өрөөтэй болов

ШУТИС-ийн багшийн хөгжлийг дэмжих жилийн хүрээнд Барилга, архитектурын сургууль нийт багш нараа дэмжин сургуулийнхаа багшийн хөгжлийн багт зориулан өрөө тохижуулж өгсөний нээлт 2016 оны 9-р сарын 16-ны өдөр болов. Өрөөний нээлтэнд БАС-ийн захирал доктор (PhD), профессор Э.Нинжгарав, БХТ-ийн захирал ШУ-ны доктор (ScD), дэд профессор Т.Уранчимэг, БАС-ийн захирлын зөвлөлийн болон багшийн хөгжлийн багийн гишүүд оролцлоо. Нээлтийн үеэр БАС-ийн БХБ-ийг “Бүтээлч багшийн хөгжлийн баг”-аар тодруулан гэрчилгээ олгож цаашдын ажилд нь амжилт хүслээ.

ШУТТНС-ийн Е-13а өрөө нь багшийн хөгжлийн багт зориулагдсан анхны өрөө боллоо. БАС-ийн энэхүү сайхан ажлыг бусад бүрэлдэхүүн сургуулиуд дагалдан багшийн хөгжлийн багууд ажлаа явуулах өрөөтэй болно гэдэгт итгэж байна.

Сайн үйлс бүхэн дэлгэрч байх болтугай.