Ашигт малтмалаас бүтээгдэхүүн гаргахад нано технологийг ашиглана
"Солонгост НАНО технологийн талаар явуулж буй төрийн бодлого, хэрэгжилт, энэ салбар хэрхэн хегжиж байна вэ" сэдвээр Солонгосын Чонбукийн Үндэсний их сургуулийн доктор профессор Нам Ки Сүк, доктор профессор Ли Юн Сик нар өчигдөр ШУТИС-ийн эрдэмтэдтэй уулзаж ярилцлаа. Тус улсад нано технологийг нэвтрүүлэх тусгай хөтөлбөр хэрэгжиж эхэлснээс хойш арваад жилийн дотор энэ чиглэлийн үйлдвэрийн тоо 270 гаруй, шинэ бүтээгдэхүүний тоо ч мөн энэ хэмжээнд хүрчээ. Энэ ч утгаар ШУТИС Солонгосын Чонбукийн их сургуульд хандан нано технологийн чиглэлээр хамтран ажиллаж, лаборатори байгуулах, багш нарыг мэргэшуулж өгөхийг хүсчээ. "Монгол орон байгалийн баялаг ихтэй. Солонгос байгалийн баялаг байхгүй учраас бид зөвхөн оюун ухаанаараа л хөгждөг. Жишээ нь танай эрдэмтэд тэмээ, ямааны ноос ноолуур, үхрийн хөөвөр ашиглах тухай ярьж байна. Манай ард түмэн малаас түүхий эд гаргаж авдаг талаар мэдэхгүй. Харин техник технологийнхоо хөгжлөөр тэргүүлэх хэмжээнд хүрч яваа улс. Иймд Монголын байгалийн баялаг, ашигт малтмал, Солонгосын өндер хөгжсөн техник технологийн ололтыг ашиглан, томоохон үйлдвэрлэл явуулж болох юм" хэмээн доктор Нам Ки Сүк хэлж байсан. Тухайлбал, уран, нүүрс зэргээс нано технологи ашиглан бүтээгдэхүүн гаргаж авахад хамтарч болох ажээ.
“Academic Writing Workshop Series” академик бичгийн цуврал сургалт зохион байгуулагдлаа
GEOMINE 2026 олон улсын эрдэм шинжилгээний хурал болж байна
“Ноолуур судлал-2026” олон улсын эрдэм шинжилгээний хурал зохион байгуулагдлаа
“Нүүрсний боловсруулалтын технологи” хамтарсан 2+2 хөтөлбөрийн 20 оюутанд тэтгэлгийн батламж гардууллаа
Киотогийн Их Сургуулийн проректор Фүюүки Ишикава болон бусад төлөөлөгчдийг Эрдэм шинжилгээ, инновац эрхэлсэн проректор Д.Цолмонбаатар хүлээн авч уулзлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
