ШИНЖЛЭХ УХААН, ТЕХНОЛОГИЙН ИХ СУРГУУЛЬ

Австрали улсын Баруун Сиднейн Их Сургуультай хамтран ажиллах санамж бичигт гарын үсэг зурав

ШУТИС, Австрали улсын Баруун Сиднейн Их Сургуультай хамтран ажиллах санамж бичигт 2014 оны 09 дүгээр сарын 19-ний өдөр гарын үсэг зурж баталгаажууллаа. Уг санамж бичигт гарын үсэг зурах ёслолын ажиллагаанд ШУТИС-ийн Оюутны үйлчилгээ, олон нийттэй харилцах проректор Доктор (Ph.D), дэд профессор Т.Намнан, Гадаад харилцаа, хамтын ажиллагааны проректор Доктор (Ph.D), дэд профессор П.Жаргалтуяа, мөн Баруун Сиднейн их сургуулийн ректор, дэд канцлер профессор Барней Гловер, Гадаад харилцааны дарга, дэд канцлер профессор Ей-Чен Лан, Гадаад харилцааны ахлах менежер ноён Кевин Хо нар болон албаны бусад хүмүүс оролцлоо.

Баруун Сиднейн Их Сургууль нь Австрали улсын томоохон их сургуулийн нэг бөгөөд 1989 онд байгуулагдан, эдүүгээ 44.000 оюутан, 5000 багш, боловсон хүчинтэй, 9 сургууль, 7 кампустай үйл ажиллагаагаа явуулдаг. Дашрамд дурдахад тус их сургууль нь 2014 оны Дэлхийн шилдэг 100 их, дээд сургуулийн 87-д эрэмбэлэгдсэн хамгийн залуу их сургуулийн тоонд орсон байна.